शहरं
Join us  
Trending Stories
1
डोनाल्ड ट्रम्प यांनी हमासला दिला निर्वाणीचा इशारा, म्हणाले, आता आणखी उशीर नको, अन्यथा...
2
“२०२७मध्ये गोव्यात ‘आप’ स्वबळावर सरकार स्थापन करेल”: अरविंद केजरीवाल; भाजपा-काँग्रेसवर टीका
3
युरोपपर्यंत पोहोचले बंडाचे वारे, या देशात आंदोलक रस्त्यावर, राष्ट्रपती भवनाला घेराव, पोलिसांसोबत संघर्ष
4
आणखी एका मुलीने गमावला जीव, मृतांचा आकडा १० वर; काँग्रेसची ५० लाख भरपाई देण्याची मागणी
5
रोहित शर्माच्या कप्तानीसोबत या दोन सिनियर खेळाडूंच्या वनडे कारकिर्दीलाही निवड समितीने दिला पूर्णविराम? 
6
केंद्रीय गृह व सहकार मंत्री अमित शाह यांचे शिर्डी विमानतळावर आगमन
7
आयटीनंतर ॲाटो क्षेत्रातही कर्मचारी कपात, ही कंपनी ३००० कर्मचाऱ्यांना कामावरून काढणार   
8
“RSS-BJPने ओबीसींचा घात केला, मोहन भागवत कधी गजानन महाराजांच्या दर्शनाला गेले का”: आंबेडकर
9
टॉपर तरुणीला गुंगीचे औषध देऊन अत्याचार; स्वतःला संपवायला निघालेल्या माय-लेकीला माजी सैनिकाने वाचवलं
10
"भारत माझी मातृभूमी, तर पाकिस्तान…’’, दानिश कनेरियाचं मोठं विधान, नागरिकत्वाबाबत म्हणाला  
11
...तर रोहित-विराटवर वनडे वर्ल्ड कप स्पर्धेआधीच निवृत्ती घेण्याची वेळ येणार?
12
भारतीय तरुणांना फसवून सायबर गुन्ह्यांसाठी जुंपणारी आंतरराष्ट्रीय टोळी उघडकीस; दोघे अटकेत, भारतीय आरोपींसह चिनी कनेक्शन आले समोर 
13
बिहारमध्ये लालू यादवांच्या निवासस्थांनी उमेदवारीवरून गोंधळ, घरात घुसले कार्यकर्ते, म्हणाले, आम्हाला...  
14
पावसाच्या 'बॅटिंग'च्या जोरावर श्रीलंकेनं उघडलं खातं; पाकला पराभूत करताच टीम इंडिया होईल टॉपर
15
अमेरिकेत भारतीय विद्यार्थ्याची गोळ्या घालून हत्या; शिक्षणासोबत पेट्रोल पंपावर करत होता पार्ट-टाईम काम
16
“राहुल गांधी यांचा पासपोर्ट जप्त करावा अन् कायदेशीर कारवाई करावी”; भाजपा नेत्यांची मागणी
17
रोहित शर्माने कप्तानी सोडली की त्याला हटवलं? निवड समिती अध्यक्ष अजित आगरकरांनी स्पष्टच सांगितलं, म्हणाले...
18
निसर्ग अशांतच! अतिवृष्टीनंतर आता ‘शक्ती’ चक्रीवादळाचा धोका; किनारपट्टी भागात सतर्कतेचा इशारा
19
वनडे क्रिकेटच्या इतिहासातील सर्वात यशस्वी कर्णधार; रोहित शर्मा दुसरा, मग पहिला कोण?
20
फर्रुखाबादमधील कोचिंग सेंटरमध्ये भीषण स्फोट; एकाचा मृत्यू, सहा जण जखमी

कोरोनामुळे अंध व्यक्तींसमोर अंधार!

By लोकमत न्यूज नेटवर्क | Updated: May 30, 2021 04:27 IST

अविनाश मुडेगावकर अंबाजोगाई : पांढरी काठी हाती घेऊन घराबाहेर पडून उदरनिर्वाहासाठी काहींना काही करून संसाराचे ओझे स्वतःच्या खांद्यावर घेणाऱ्या ...

अविनाश मुडेगावकर

अंबाजोगाई : पांढरी काठी हाती घेऊन घराबाहेर पडून उदरनिर्वाहासाठी काहींना काही करून संसाराचे ओझे स्वतःच्या खांद्यावर घेणाऱ्या जिल्ह्यातील अंध व्यक्तींसमोर कोरोनामुळे संकटाचा डोंगर उभा राहिला आहे. परिणामी जिल्ह्यातील अंध व्यक्तींच्या उदरनिर्वाहाचा प्रश्न गंभीर बनला आहे. शासनाकडूनही अंध व्यक्तींना कसल्याही प्रकारची मदत करण्यात आली नाही. परिणामी कोरोनामुळे अंध व्यक्तींसमोर अंधार निर्माण झाला आहे.

बीड जिल्ह्यात जवळपास १४०० अंध व्यक्तींची नोंदणी झालेली आहे. अनेक जण उद्योग, व्यवसाय करून आपली उपजीविका भागवतात. मात्र, गेल्या दीड वर्षापासून कोरोनाच्या संकटामुळे अनेक उद्योग, व्यवसाय बंद अवस्थेत आहेत. परिणामी अंध व्यक्तींच्या उदरनिर्वाहाचा प्रश्न गंभीर बनला आहे. शासनाने इतर घटकांना मदत केली. मात्र, अंध व्यक्तींना कोणत्याच प्रकारची मदत करण्यात आलेली नाही. काही व्यक्तींना कोरोनाची लागण झाली. यातूनही यशस्वी उपचारानंतर अनेक जण बरे झाले आहेत. मात्र, अशा स्थितीत औषधे व उदरनिर्वाह भागवायचा कसा, असा प्रश्न त्यांना भेडसावू लागला आहे.

अनेकांवर संकट

कोरोनाच्या पहिल्या लाटेत अंध व्यक्तींना अनेकांनी मदतीचा हात दिला. मात्र, या वर्षीच्या मार्च महिन्यापासून कोरोनाचा संसर्ग मोठ्या प्रमाणात वाढला. लॉकडाऊन सुरू झाले. व्यवहार ठप्प झाले. परिणामी अंध बांधवांसमोर आर्थिक संकट निर्माण झाले. प्रशासनानेही याकडे दुर्लक्ष केले आहे.

...

कोरोना काळात मदतीची अपेक्षा

जिल्ह्यात २२ ते २४ व्यक्तींना कोरोनाची बाधा झाली होती. यातील सर्वांनीच कोरोनावर यशस्वी मात केली आहे. कोरोनामुळे हाताला काम नाही. त्यामुळे आर्थिक अडचणीत भर पडत आहे. त्यामुळे शासनाने अंध व्यक्तींना भरघोस मदत करावी.

-श्याम सरवदे,

कार्यकर्ता

मानवलोक, अंबाजोगाई

....

आधारही एकमेकांचाच..!!

कोरोनाच्या संकटापूर्वी नियमित काम मिळत होते. त्यामधून कुटुंबाचा उदरनिर्वाह व्यवस्थित चालत होता. मात्र, गेल्या दीड वर्षापासून हाताला काम नसल्याने आर्थिक संकट ओढवले आहे. शासनाने तत्काळ मदत करण्याची गरज आहे.

-मुंजाबा शिनगारे

...

काम बंद असल्याने मदत तरी मागायची कोणाकडे? त्यातच हाताला काम नाही. अशा स्थितीत शासनाने विविध घटकांना कोरोनाच्या पार्श्वभूमीवर मदत जाहीर केली आहे. त्याच धर्तीवर अंध व्यक्तींनाही मदत जाहीर करावी. त्यांना मदतीचा हात देऊन दिलासा द्यावा.

-भिकाजी कोल्हापुरे

...

मी स्वतः गायक असल्याने गायनाचे कार्यक्रम करायचो. त्यातून आर्थिक उत्पन्न मिळत होते. गायन क्लासेस घेऊन इतर मुलांनाही गायनाचे धडे देत असे. मात्र, दीड वर्षापासून सर्वच बाबींवर नियंत्रण आले आहे. परिणामी गायनाचे कार्यक्रम झालेले नाहीत. सर्वकाही ठप्प आहे. अशा स्थितीत कुटुंबाचा उदरनिर्वाह भागवायचा कसा? असा प्रश्न निर्माण झाला आहे.

-शरद चोपडे

....

अनेक अंध व्यक्ती गायन, संगीत, तबला वादन, विविध वाद्ये वाजविण्याचे प्रशिक्षण देऊन आपली दैनंदिन उपजीविका भागवीत. मात्र, कोरोनाच्या पार्श्वभूमीवर सर्वच बाबी बंद झाल्याने आर्थिक स्रोत बंद झाले आहेत. त्यामुळे शासनाने अंध बांधवांची दखल घेत त्यांना तत्काळ मदत करावी, अशी मागणी होत आहे.

...