नातेवाईकांची पायपीट
अंबाजोगाई : कोरोना रुग्णांची संख्या दिवसेंदिवस वाढतच चालली आहे. वाढत्या रुग्णसंख्येमुळे अनेक रुग्णांना बेड मिळणेही अवघड बनले आहे. अशा स्थितीत आपल्या रुग्णास बेड उपलब्ध करून देण्यासाठी नातेवाईकांची पायपीट सुरूच आहे.
वाहनधारक त्रस्त
अंबाजोगाई : तालुक्यातील ग्रामीण भागात रस्त्यांवर मोठ-मोठे खड्डे पडले आहेत. अंबाजोगाई ते देवळा व अंबासाखर ते धानोरा. राडी ते मुडेगाव. अशा अनेक रस्त्यांवर पडलेल्या त्या खड्ड्यांमुळे दुचाकी व चारचाकी वाहन चालवताना मोठी अडथळ्यांची शर्यत पार करावी लागते.
पाण्याचा अपव्यय
अंबाजोगाई : शहरात अनेक भागांत पाणी मुबलक प्रमाणात मिळत आहे. उन्हाळ्यातही पाणीटंचाई भासत नाही. त्याची नागरिकांना किंमत नसल्यासारखे झाले आहे. ज्यावेळी पाणीपुरवठा सुरू असतो. त्यावेळी मोठ्या प्रमाणात पाणी वाया जात आहे.
प्लास्टिक बंदीला ‘खो’
बीड : शहर व परिसरात मोठ्या प्रमाणात प्लस्टिक पिशव्यांचा वापर सुरूच आहे. प्लास्टिकचा वापर पर्यावरणाला घातक ठरणारा आहे. यावर बंदी घालण्याची मागणी होत आहे.