लोकमत न्यूज नेटवर्क
बीड : जिल्ह्यात मजुरी, भंगार वेचणारे, भीक मागणाऱ्या मुलांची संख्या मोठ्या प्रमाणात आहे. या सर्वांना शिक्षणाच्या प्रवाहात आणण्यासाठी समाजकल्याण विभागाने ‘थेट प्रवेश प्रक्रिया’ अभियान राबविले आहे. वाड्या-वस्त्या, गावांत जाऊन सर्वेक्षण करून त्यांचे शाळेत प्रवेश घेतले जात आहेत. जिल्ह्यातील विविध वसतिगृहे, आश्रमशाळांमध्ये तब्बल ५ हजार विद्यार्थी शिक्षण घेणार आहेत. यामुळे दिलासा मिळाला आहे.
बीडची ऊसतोड मजुरांचा जिल्हा म्हणून ओळख आहे. तसेच मजुरी, रस्त्याच्या कडेला पाल ठोकून राहणारे, वीटभट्टी कामगारांची संख्या मोठ्या प्रमाणात आहे. परिस्थिती हलाखीची असल्याने त्यांच्या मुलांना शिक्षण दिले जात नाही. हाच धागा पकडून सामाजिक न्यायमंत्री धनंजय मुंडे यांच्या सूचनेवरून सहायक आयुक्त डॉ. सचिन मडावी यांनी या सर्वांना शिक्षणाच्या प्रवाहात आणण्यासाठी विशेष अभियान राबविले आहे. १८ जून ते १५ जुलैदरम्यान शिक्षक, कर्मचारी घरोघरी जाऊन या मुलांचे प्रवेश घेणार आहेत. यामध्ये व्हीजेएनटी समाजासाठी असलेल्या ४६ आश्रमशाळा आणि अनुसूचित जातीच्या मुले-मुलींसाठी असलेल्या ३ निवासी शाळा, १३ शासकीय वसतिगृहे, १५ निवासी अनुसूचित जातीच्या आश्रमशाळा एवढ्या वसतिगृहांत जिल्ह्यातील ५ हजार विद्यार्थी शिक्षण घेणार आहेत. प्रवेशासाठी कसलेही शुल्क लागणार नसून, पहिले ते पदवीपर्यंतचे शिक्षण मोफत दिले जाणार आहे. तसेच राहणे, जेवण, पुस्तके, गणवेश सर्व साहित्य मोफत मिळणार असल्याने समाधान व्यक्त होत आहे.
---
सामाजिक न्यायमंत्री धनंजय मुंडे यांच्या संकल्पनेतून ‘मिशन डायरेक्ट ॲडमिशन’ हा प्रयोग राबविला जात आहे. वंचित घटकातील मुलांचा शोध घेऊन त्यांचे घरी जाऊन शाळेत प्रवेश घेतले जातील. शिक्षणासह सर्व शालेय साहित्य मोफत दिले जाणार आहे. याबाबत सर्वांना सूचना केल्या आहेत. १८ जून ते १५ जुलैदरम्यान सर्वेक्षण करून प्रवेश घेतले जात आहेत.
डॉ. सचिन मडावी, सहायक आयुक्त, बीड
--
अशी आहे आकडेवारी
जिल्ह्यात ऊसतोड मजुरांच्या पाल्यांसाठी ६ मुलांची व ६ मुलींची अशी १२ वसतिगृहे,
व्हीजेएनटी समाजासाठीच्या ४६ आश्रमशाळा
अनुसूचित जातीच्या १३ शासकीय वसतिगृहे, ३ शासकीय निवासी शाळा
७४ अनुदानित वसतिगृहे आणि १५ अनुदानित आश्रमशाळा येथे मोफत प्रवेश करून सर्व सोयीसुविधा उपलब्ध करून देण्यात येणार आहेत.
===Photopath===
190621\19_2_bed_14_19062021_14.jpeg~190621\19_2_bed_13_19062021_14.jpeg
===Caption===
डॉ.सचिन मडावी~पालावर जावून विद्यार्थ्यांचे प्रवेश घेताना समाकल्याणेच कर्मचारी दिसत आहेत.