आष्टी येथील जिल्हा परिषद माध्यमिक मुलांची शाळा पोलीस ठाणे शेजारी येथे जीवनराज चॅरिटेबल फाउंडेशन अहमदनगर ब्लड बँकेच्या सहकार्याने ९ जुलै रोजी सकाळी १० वाजता रक्तदान शिबिरास प्रारंभ होईल तर सायंकाळी ५ वाजता समारोप करण्यात येणार आहे. शहरातील व तालुक्यातील विविध सामाजिक संघटना व रक्तदात्यांनी या मोहिमेत सहभाग नोंदवावा, असे आवाहन लोकमत परिवाराच्या वतीने करण्यात आले आहे. या शिबिरास दि. ९ रोजी उपस्थित राहून अनेक मान्यवर जास्तीत जास्त रक्तदानासाठी सहकार्य करणार आहेत.
रक्तदानासाठी यांचे आवाहन
‘लोकमत’ने २ जुलै ते १४ जुलै या कालावधीत ‘लोकमत रक्ताचं नातं’ ही अभिनव मोहीम राज्यात हाती घेण्यात आली आहे. आष्टी येथील छत्रपती शिवाजी महाराज चौक मित्रमंडळ, व्यापारी असोसिएशन, बी. डी. हंबर्डे महाविद्यालय, सहकार प्रतिष्ठान, पंडित जवाहरलाल नेहरू विद्यालय, आर्यन्स ग्रुप, साहेब प्रतिष्ठान महाराष्ट्र, आष्टी तालुका युवा पत्रकार संघ, टायगर ग्रुप, जिवा महाले युवा मंच, महात्मा फुले प्रतिष्ठान, अटल क्रीडा मंडळ सुलेमान देवळा, पोलीस दक्षमित्र, शिवराजे ग्रुप कडा यांच्यासह विविध सामाजिक संघटना, सामाजिक कार्यकर्ते या रक्तदानाच्या मोहिमेत सहभागी होणार आहेत. या सर्वांनी रक्तदान करण्यासाठी आवाहन केले आहे. ज्यांना रक्तदान करायचे आहे, त्यांनी अविनाश कदम - ९४२३३९५४४४ या क्रमांकावर संपर्क साधावा, असे आवाहन लोकमत परिवाराच्या वतीने करण्यात आले आहे.