लोकमत न्यूज नेटवर्क
शिरूर कासार : शहरातील सराफा व्यापारी विशाल कुलथे खून प्रकरणातील चारही आरोपींना फाशीची शिक्षा व्हायला हवी, अशी मागणी भाजपा प्रवक्त्या चित्रा वाघ यांनी सरकारकडे केली आहे. याप्रकरणी विशाल कुलथेच्या कुटुंबीयांनी चित्रा वाघ यांची भेट घेऊन त्यांच्याकडे निवेदनाद्वारे व्यथा मांडली.
सराफा व्यापारी विशाल कुलथे यांची हत्या अमानूषपणे करण्यात आली आहे. ही घटना पुरोगामी महाराष्ट्राच्या इतिहासाला न शोभणारी आहे. सहा महिन्यांपूर्वीच विशाल यांचे लग्न झाले असून, संपूर्ण परिवाराची जबाबदारी त्यांच्यावर होती. घरातील कर्ता व्यक्तीच गेल्यामुळे परिवारावर फार मोठे संकट ओढावलेले आहे. त्यामुळे हा परिवार न्यायाच्या प्रतीक्षेत आहे. या प्रकरणात सहभागी असलेला आरोपी भैया गायकवाड आणि त्याचे वडील यांच्यासह केतन लोमटे, धीरज मांडकर यांना फाशीची शिक्षा व्हावी. या प्रकरणात ज्येष्ठ कायदेतज्ज्ञ तथा विशेष सरकारी वकील उज्वल निकम यांची सरकारने नियुक्ती करून विशाल कुलथे परिवाराला न्याय द्यावा, अशा प्रकारची मागणी आपण सरकारकडे करणार असल्याचे वाघ यांनी सांगितले.
....
मराठवाड्यात मुली बेपत्ता होण्याच्या घटनांत वाढ
बीड जिल्ह्यासह मराठवाड्यात गुन्हेगारी वाढली आहे. महिला आणि मुलींवर होणाऱ्या अत्याचारांच्या घटनांत वाढ झालेली आहे. शिवाय अल्पवयीन मुलींना फूस लावून पळवून नेण्याचे प्रकार घडत असून,० त्यांचा शोधदेखील लागत नाही. त्यामुळे पुरोगामी महाराष्ट्राला ही चिंतेची आणि शरमेने मान खाली घालायला लावणारी बाब आहे. सरकारने याकडे लक्ष देण्याची गरज असल्याचे यावेळी चित्रा वाघ यांनी सांगितले.
...
===Photopath===
300621\img-20210630-wa0006.jpg
===Caption===
चित्रा वाघ यांची भेट