लोकमत न्यूज नेटवर्क
धारूर : शहरात दोन कोविड केअर सेंटर्स असून, कस्तुरबा गांधी बालिका विद्यालयातील कोविड केअर सेंटरला तहसीलदार व तालुका आरोग्य अधिकारी यांनी मंगळवारी दुपारी अचानक भेट दिली. यावेळी येथे सतत गैरहजर राहणाऱ्या वैद्यकीय अधिकाऱ्यास त्यांंनी कार्यमुक्त केले. तशा सूचना येथील कर्मचारी वर्गाला दिल्या आहेत.
धारूर शहरातील केज रोडवरील कस्तुरबा गांधी बालिका विद्यालयातील कोविड केअर सेंटरला तहसीलदार वंदना शिडोळकर, तालुका आरोग्य अधिकारी स्वाती डिकले, अमोल दुबे यांनी मंगळवारी दुपारी भेट देऊन येथील सर्व व्यवस्थेची पाहणी केली. यावेळी येथे नियुक्त असणारे वैद्यकीय अधिकारी डॉ. अजय बुजगुडे हे गैरहजर होते. त्यांच्या सतत गैरहजरीबद्दल अनेक तक्रारी होत्या. या वैद्यकीय अधिकाऱ्यास तत्काळ कार्यमुक्त करण्याचा निर्णय तहसीलदार यांनी घेतला. इतर कर्मचारी वर्गालाही सूचना केल्या. या कारवाईमुळे आता तरी येथील व्यवस्थापन सुधारेल, अशी आशा नागरिक व्यक्त करीत आहेत.
===Photopath===
110521\img-20210511-wa0120_14.jpg