धारूर : शहरातील गायकवाड गल्लीत घरमालक गावाला गेल्याचा फायदा उठवून चोरट्यांनी घराचे कुलूप तोडून घरातील २५ हजार रुपयांचा ऐवज लांबविला. ही घटना गुरुवारी रात्री घडली.
धारुर शहरातील गायकवाड गल्लीत अन्नल दास यांच्या घरातील सर्व बाहेरगावी लग्नास गेले होते. घरी कोणी नसल्याचा फायदा घेत अज्ञात चोरट्यांनी गुरूवारी रात्री उशिरा घराचे कुलूप तोडून घरातील कपाटात ठेवलेले चांदीचे दागिने व नगदी रक्कम व इतर सामान लंपास केले. याप्रकरणी शुक्रवारी सकाळी त्यांच्या शेजारी राहणाऱ्या बाळासाहेब गायकवाड यांना चोरी झाल्याचे लक्षात आले. त्यांनी तातडीने पोलिसांना कल्पना दिली. सहायक पोलीस निरीक्षक केदारनाथ पालवे घटनास्थळी दाखल झाले. त्यांनी सर्व परिस्थितीची पाहणी केली. प्राथमिक माहितीनुसार २५ हजारांपेक्षा जास्त रकमेचे साहित्य चोरीस गेल्याचा अंदाज आहे. बाहेरगावी गेलेले घरमालक वापस आल्यानंतर याप्रकरणी तक्रार नोंदवली जाईल. या घटनेने परिसरात घबराटीचे वातावरण पसरले आहे.
090721\img-20210709-wa0050.jpg~090721\img-20210709-wa0051.jpg
धारूर गायकवाड गल्लीत घरफोडी~भरवस्तित धारूर शहरात गायकवाड गल्लीत झालेली घरफोडी