अंबाजोगाई : कोरोनाच्या पार्श्वभूमीवर नागरिकांच्या आरोग्याची दक्षता म्हणून केज मतदारसंघात ११ हजार मास्क व आरोग्य साहित्याचे वाटप आमदार नमिता अक्षय मुंदडा यांच्या वतीने करण्यात आले.
स्व. गोपीनाथराव मुंडे यांच्या पुण्यतिथीनिमित्त व पंतप्रधान नरेंद्र मोदी यांच्या सरकारला सात वर्षे पूर्ण झाल्याबद्दल खासदार डॉ. प्रीतम मुंडे व आमदार नमिता मुंदडा यांच्या वतीने विविध उपक्रमांचे आयोजन करण्यात आले आहे.
शनिवारी आमदार नमिता मुंदडा यांच्या उपस्थितीत अंबाजोगाई शहर व परिसरात मास्क व आरोग्य साहित्याचे वाटप करण्यात आले.
कोरोनाच्या काळात कसलीही भीती न बाळगता थेट लोकांमध्ये जाऊन काम करणाऱ्या अंबाजोगाई तालुक्यातील आशा वर्कर्स यांच्या कामाचे कौतुक करून त्यांना आरोग्य साहित्याचे वाटप करण्यात आले. तसेच आमदार मुंदडा यांनी नगर परिषदेचे स्वछता कर्मचारी, अंगणवाडीसेविका व कुत्तरविहीर येथील लसीकरण केंद्र या ठिकाणी भेटी देऊन कोरोनाच्या काळात नागरिकांना सेवा देणाऱ्या या सर्व कर्मचाऱ्यांच्या कामाची दखल घेत त्यांचे कौतुक केले. याप्रसंगी अंबाजोगाईचे तालुका आरोग्य अधिकारी डॉ. बालासाहेब लोमटे, डॉ प्रदीप दामा, तालुका समूह संघटक काजी तबसुम, शेख शम्मी, नगरसेवक डॉ अतुल देशपांडे, शेख ताहेर, हानुमंत तौर, खलील मोलाना, बालासाहेब पाथरकर, हिदुलाल काकडे, ॲड संतोष लोमटे, वैजनाथ देशमुख, कल्याण काळे, अनंत अरसुडे, गोपाळ मस्के, महेश अंबाड, संतोष जिरे, राहुल कापसे, मयूर रणखांब यांची उपस्थिती होती.
===Photopath===
010621\avinash mudegaonkar_img-20210530-wa0064_14.jpg