सिंधूची हाँगकाँग ओपन सुपर सिरिज बॅडमिंटन स्पर्धेच्या उपांत्य फेरीत धडक

हाँगकाँग : स्टार शटलर पी. व्ही. सिंधू हिने आपल्या लौकिकास साजेशी कामगिरी करताना हाँगकाँग ओपन सुपर सिरिज बॅडमिंटन स्पर्धेच्या उपांत्य फेरीत धडक मारली. सिंधूने जबरदस्त खेळ करताना जपानच्या कसलेल्या अकाने यामागुची हिचा सरळ दोन गेममध्ये धुव्वा उडवत दमदार आगेकूच केली.दुसºया मानांकीत सिंधूने जपानाच्या पाचव्या मानांकीत अकानेविरुद्ध केवळ ३६ मिनिटांमध्ये २१-१२, २१-१९ असा दणदणीत विजय मिळवला. सुरुवातीपासून घेतलेला आक्रमक पवित्रा सिंधूने अखेरपर्यंत कायम राखताना अकानेला पुनरागमनाची एकही संधी दिली नाही. उपांत्य फेरीत सिंधूपुढे रतचानोक इंतानोनचे तगडे आव्हान असेल. पहिल्या गेममध्ये निर्विवाद वर्चस्व राखलेल्या सिंधूला दुसºया गेममध्ये अकानेने कडवी टक्कर दिली. परंतु, सिंधूने अखेरपर्यंत वर्चस्व सोडले नाही. (वृत्तसंस्था)