अमरावती : संत गाडगेबाबा अमरावती विद्यापीठाशी संलग्न २३ अभियांत्रिकी महाविद्यालयांच्या हिवाळी २०२० परीक्षांचे येत्या २६ फेब्रुुवारी ते ४ एप्रिलदरम्यान नियोजन चालविले आहे. या परीक्षा ऑनलाइन पद्धतीने घेण्यात येणार असून, समितीने तसा निर्णय घेतला आहे. त्याअनुषंगाने विद्यापीठाने १ जानेवारी रोजी अध्यादेश जारी केला आहे.
अंतिम सत्र वगळून महाविद्यालय स्तरावर अभियांत्रिकी व तांत्रिकी अभ्यासक्रमाच्या परीक्षा ८ ते १२ फेब्रुवारी या कालावधीत घेण्यात येणार आहेत. कोरोना संसर्गामुळे अभियांत्रिकी महाविद्यालयांच्या प्रवेशांना विलंब झाला आहे. अशातच हिवाळी
परीक्षादेखील लांबणीवर पडल्याने या महाविद्यालयांपुढे प्रवेश शुल्काबाबत अडचणी निर्माण झाल्या होत्या. विद्यार्थ्यांचे शैक्षणिक नुकसान होऊ नये, यासाठी विद्यापीठाने अभियांत्रिकी परीक्षांना प्राधान्य दिले आहे. त्यानुसार सत्र ५, ७ व ८ परीक्षांचा कार्यक्रम तयार करण्यात आला आहे. एकंदर ३० हजार विद्यार्थ्यांच्या परीक्षांचे नियोजन करण्यात आले आहे.
केंद्रीय प्रवेश समितीद्धारे होणाऱ्या प्रवेशाच्या अभ्यासक्रमाची आणि थेट द्वितीय वर्षाला प्रवेशित होणाऱ्या अभ्यासक्रमाची, तसेच अभियांत्रिकी व तांत्रिकी पदवी अभ्यासक्रमातील सत्र १ व २ ची परीक्षा १९ एप्रिल २०२१ नंतर विद्यापीठ स्तरावर संचालित करण्यात येणार आहे.
-------------
अभियांत्रिकी, तांत्रिकी अभ्यासक्रम परीक्षेचे नवे वेळापत्रक
प्रात्यक्षिक परीक्षा - ८ ते १२ फेब्रुवारी
लेखी परीक्षा- २६ फेब्रुवारी ते ९ मार्च
विषम सत्र व अंतिम वर्ष, सत्र प्रात्यक्षिक परीक्षा- २२ ते २६ मार्च, लेखी परीक्षा- ५ ते २० एप्रिल
अंतिम वर्ष, अंतिम सत्र वगळून (महाविद्यालय स्तरावर) प्रात्यक्षिक परीक्षा- २२ ते २६ मार्च, लेखी परीक्षा- २७ मार्च ते ४ एप्रिल-
---------------------
कोट
२६ फेब्रुवारी ते ४ एप्रिलदरम्यान अभियांत्रिकी परीक्षा घेण्यात येतील. अध्यादेश जारी करण्यात आला आहे. परीक्षेचे वेळापत्रक जाहीर करण्यात आले आहे. परीक्षा ऑनलाइन घेण्यात येणार आहे.
- हेमंत देशमुख, संचालक, परीक्षा व मू्ल्यांकन मंडळ.
--------------