धामणगाव रेल्वेचे सव्वाशे कर्मचारी जाणार वर्धेला

वर्धा लोकसभा मतदार संघातील सहाही विधानसभा मतदारसंघांच्या मतमोजणीला वर्धेत एकाच वेळी सुरू होणार असून २५ मिनिटात पहिली फेरी पूर्ण होणार आहे.

मतमोजणी : २५ मिनिटांत आटोपणार पहिली फेरीधामणगाव रेल्वे : वर्धा लोकसभा मतदार संघातील सहाही विधानसभा मतदारसंघांच्या मतमोजणीला वर्धेत एकाच वेळी सुरू होणार असून २५ मिनिटात पहिली फेरी पूर्णहोणार आहे. धामणगाव विधानसभा मतदार संघातील सव्वाशे कर्मचारी गुरूवारी वर्धेकरिता रवाना होतील.जिल्ह्यातील धामणगाव व मोर्शी हे दोन विधानसभा मतदार संघ वर्धा लोकसभा मतदार संघात येतात. वर्धेतील आर्वी, हिंगणघाट, देवळी, वर्धा या सर्व सहा मतदार संघातील १0 लाख १२ हजार १९२ मतदारांनी मतदानाचा हक्क बजावला होता.१४ टेबलवर होणार मतमोजणीवर्धेत शुक्रवारी सकाळी ८ वाजता मतमोजणीला सुरूवात होणार आहे. एका मतदार संघासाठी १४ टेबलची व्यवस्था करण्यात आली आहे. एका टेबलवर ४ कर्मचारी मतमोजणी करतील. सहा मतदार संघासाठी ३३६ कर्मचारी नियुक्त असून ९0 कर्मचारी राखीव आहेत. मतमोजणी करीता पर्यवेक्षक, मतमोजणी सहाय्यक,सुक्ष्म निरीक्षक नियुक्त आहेत.