वाठोडा ते म्हैसपूर रस्त्याची उपाध्यक्षांनी केली पाहणी

या मार्गावर जिल्हा परिषद सदस्य सोळंके यांच्या निधीतून २५ लाख रुपये मंजूर करण्यात आले आहे. परंतु, सदर निधी अपुरा पडत असल्याने रस्त्याचे काम रखडले आहे. या मार्गावर ये-जा करणाऱ्यांना तारेवरची कसरत करावी लागत आहे. याबाबत माजी जिल्हा परिषद सदस्य विश्वासराव बुरघाटे यांनी उपाध्यक्षांकडे याबाबतची तक्रार केली होती. याची दखल घेत उपाध्यक्ष विठ्ठल चव्हान, बांधकामाच्या कार्यकारी अभियंता नीला वंजारी व अमरावती पंचायत समितीचे माजी सभापती आशिष धर्माळे यांनी या रस्त्याची पाहणी केली. यावेळी सरपंच रिजवान खान, विश्वासराव बुरगाटे, रमेश थोरात, भैयासाहेब बुरघाटे, शेख हबिबभाई, छाया ठोसर, अ जमील, मुंकुद बुरघाटे, हमीद शावकार, अनिल बेलोकार, फिरोज, सुनील बुरघाटे, रमेश रावेकर, मारोती मंगरुळकर आदींची उपस्थिती होती.