...............
माहुली जहागीर येथून कृषी साहित्य लंपास
अमरावती : माहुली जहागीर येथील बाजार चौकातील उत्तमराव डोंगरे यांच्या घरातून भांड्याचे तीन पोते, दोन सायकली, बैलबंडीची लोखंडी चाके व इतर असे ११ हजारांवर साहित्य लंपास करण्यात आले. डोंगरे कुटुंब बाहेरगावी असताना ४ जुलै ते २० ऑगस्ट दरम्यान ही घटना घडली. त्यांनी ३१ ऑगस्ट रोजी माहुली जहागीर पोलिसात तक्रार नोंदविली.
------------------
पतीची पत्नी, सासऱ्याला मारहाण, शिवीगाळ
अमरावती : कपडे घेऊन जाण्यासाठी सासरी परतलेल्या महिलेला पतीने मारहाण केली. त्यापाठोपाठ दाखल झालेल्या सासऱ्यालाही शिवीगाळ केली. याप्रकरणी फ्रेजरपुरा पोलिसात चेतन जयवंतराव देशमुख, जयवंतराव देशमुख (दोन्ही रा. मंगलधाम कॉलनी) व एका महिलेविरुद्ध तक्रार नोंदविण्यात आली. पोलिसांनी गुन्हा दाखल केला आहे.
-------------
अंजनगाव बारी शिवारातून साहित्य लंपास
बडनेरा : अंजनगाव बारी शिवारातील शैलेश घनश्याम होलानी (५०, रा. राहणार जयस्तंभ चौक) यांच्या शेतातील जुने एक हजारांचे किरकोळ साहित्य लंपास केल्याची माहिती सुनील दातीर यांनी त्यांना दिली. यावरून त्यांनी राहुल दादाराव वरठे (४८), राजू भगवान मेहेंगे व राजू शंकरराव गरुड (४०, सर्व रा. अंजनगाव बारी) यांच्याविरुद्ध बडनेरा पोलिसात तक्रार नोंदविली.
---------------
गाडगेनगरात मेडिकल स्टोअर फोडले
अमरावती : राधानगरी येथे निशांत दिलीप कविटकर (२३, रा. अडगाव) यांच्या मालकीचे राधानगरातील मेडिकल स्टोअर अज्ञात चोरट्याने ३१ ऑगस्टच्या रात्री फोडले. येथून ७८५० रुपयांची रोकड लंपास करण्यात आली. निशांतने गाडगेनगर पोलीस ठाण्यात तक्रार नोंदविली.
--------------
श्रीकृष्णनगर येथून रोकड लंपास
अमरावती : पाठ्यपुस्तक महामंडळापुढील श्रीकृष्णनगरातील गजानन गावंडे (५०) यांच्या घराचे कुलूप तोडून पाच हजार रुपयांची रोकड अज्ञात चोरट्याने लंपास केली. १८ ऑगस्ट रोजी ते महागाव तालुका दिग्रस येथे आईचा मृत्यू झाल्याने गेल्यानंतर ही घटना घडली. १ सप्टेंबर रोजी पोलिसात तक्रार नोंदविण्यात आली.
----------
बडनेरातील इसमाचा नागपुरात मृत्यू
बडनेरा : नागपुरातील बजाजनगर पोलीस ठाण्याच्या हद्दीत बडनेरा येथील राजेंद्र यशवंत सोमकुंवर (४८) यांचा आकस्मिक मृत्यू झाला. बडनेरा पोलिसांनी दाखल केला आहे.