चालक ठार, वायगाव फाट्यावरील घटना
टाकरखेडा संभू : गतिरोधकावर ट्रकचालकाने अचानक ब्रेक दाबल्याने मागून येणारी दुचाकी ट्रकवर आदळली. या अपघातात दुचाकीस्वाराचा जागीच मृत्यू झाला. अमरावती परतवाडा मार्गावरील वायगाव फाट्यावर रविवारी सकाळी १० च्या सुमारास हा अपघात घडला. विजय किसनसिंग चव्हाण (रा. धारणी) असे मृत दुचाकीस्वाराचे नाव आहे.
एमएच २७ बी एक्स ०६४५ क्रमांकाचा ट्रक वलगाव येथून आष्टीकडे जात असताना विजय चव्हाण हे एमएच २७ सी क्यू ७२७५ या दुचाकीने ट्रकच्या मागे होते. वायगाव फाट्यानजीक पहिल्या गतिरोधकावर पांढरे पट्टे नसल्याने सदर गतिरोधक ट्रकचालकाला दिसला नाही. त्यामुळे अचानक गतिरोधक समोर दिसताक्षणी ट्रकचालकाने ब्रेक दाबला. याचवेळी मागून येणारी दुचाकी ट्रकवर आदळली. या अपघातात विजय यांचा जागीच मृत्यू झाला. याप्रकरणी पोलिसांनी ट्रकचालक जावेद खान गुलाब खान (रा. वलगाव) विरुद्ध गुन्हा दाखल केला.
---------