फोटो - लाकूड १७ पी
परतवाडा : पोलिसांनी परतवाडा ते शिरजगाव मार्गावर एका ट्रकमधून चोरीचे सागवान जप्त केले. ट्रकसह सात लाखांचा मुद्देमाल पोलिसांच्या ताब्यात आले. परतवाडा पोलिसांनी रात्रगस्तीदरम्यान वाहनाचा पाठलाग करून ही कारवाई केली. चालक पळून जाण्यात यशस्वी ठरला.
पोलिसांना मंगळवारी पहाटे २ च्या सुमारास सागवान लाकडाबाबत गोपनीय माहिती मिळाली होती. त्याआधारे परतवाडा ते शिरजगाव मार्गावर एमएच ०४ सीए ८१८७ क्रमांकाच्या ट्रकला रेस्ट हाऊस चौकात सापळा रचून अटकाव करण्यात आला. पळून गेलेल्या ट्रकचा पाठलाग करून पकडण्यात आले. चालकाने कठोरा गावानजीक ट्रक लावून पोलिसांच्या हातावर तुरी दिली. दोन लाख रुपयांच्या सागवानाचा ट्रक व इतर माध्यमातून एकूण सात लाख रुपयांचा जप्त करण्यात आला. तो मुद्देमाल परतवाडा वनपरिक्षेत्र अधिकारी यांच्या ताब्यात देण्यात आला. ठाणेदार सदानंद मानकर, सहायक निरीक्षक अनिल राऊत, उपनिरीक्षक मनोज कदम, सहायक उपनिरीक्षक मोहन मोहोड, सतीश पुनसे, गणेश बेलोकार, नायक काँस्टेबल जयसिंह चव्हाण, कमलेश मुराई, श्रीकांत वाघ, दिनेश राऊत, विवेक ठाकरे, शुभम मार्कंड, वैभव ठाकरे, वनपरिक्षेत्र अधिकारी पी.एस. भड, वनरक्षक पी. एम. उमक परतवाडा, वनरक्षक प्रविण निर्मळ, राजेश गायकी यांनी केली आहे.