गोवंशांची वाहतूक; दोघांना अटक

मिनीट्रकमधून गोवंश जनावराची वाहतूक करणाऱ्या दोन आरोपींना फे्रजरपुरा पोलिसांनी रविवारी सकाळी घातखेडा रोडवरून अटक केली.

घातखेडा मार्गावरील घटना : फ्रेजरपुरा पोलिसांची कारवाई लोकमत न्यूज नेटवर्क अमरावती : मिनीट्रकमधून गोवंश जनावराची वाहतूक करणाऱ्या दोन आरोपींना फे्रजरपुरा पोलिसांनी रविवारी सकाळी घातखेडा रोडवरून अटक केली. शेख रऊफ शेख लतिफ (३६,रा. कुऱ्हा) व सोहेल खा इब्राहिम खा (२२,रा. ताजनगर) अशी आरोपींची नावे आहेत. फे्रजरपुराचे पीआय पंजाब वंजारी यांच्या मार्गदर्शनात पोलीस शिपाई गौतम धुरंदर, ईशा, वचन, शशी, भांबूरकर यांच्या पथकाने पेट्रोलिंगदरम्यान मिनीट्रक क्रमांक एमएच २०-सीटी-९७८४ ची तपासणी केली असता त्यामध्ये गोवंशाच्या १० जनावरांना कत्तलीसाठी निर्दयतेने कोंबून नेले जात असल्याचे निदर्शनास आले. पोलिसांनी वाहनचालकांची चौकशी केली असता ते विनापरवाना वाहतूक करीत असल्याचे स्पष्ट झाले. पोलिसांनी मिनीट्रकमधील दोघांना ताब्यात घेतले असून त्यांच्याविरुद्ध महाराष्ट्र प्राणी सरंक्षण अधिनियम १९९५ चे कलम ५(अ), ५ (ब), ११ (१), ड सह कलम ३/१८/३००/७७ मोटार वाहन कायद्यान्वये गुन्हा नोंदविला. पोलिसांनी १० जनावरे व मिनीट्रक जप्त केला आहे.