पवन महाराजच्या शोधात पोलिसांची तीन पथके

भोंदूबाबा पवन घोंगडे महाराजच्या पंधरा भक्तांची चौकशी गाडगेनगर पोलिसांनी केली असून, अद्यापपर्यंत त्याचे धागेदोर पोलिसांना गवसलेले नाहीत. पवन महाराज बाहेरगावी असणाऱ्या भक्तमंडळीकडे असण्याची शक्यता वर्तविला, त्याच्या शोधात गाडगेनगर पोलिसांची तीन पथके शोध घेत आहेत.

ठळक मुद्दे१५ भक्तांची चौकशी : इतरही भक्तांवर 'वॉच'

लोकमत न्यूज नेटवर्कअमरावती : भोंदूबाबा पवन घोंगडे महाराजच्या पंधरा भक्तांची चौकशी गाडगेनगर पोलिसांनी केली असून, अद्यापपर्यंत त्याचे धागेदोर पोलिसांना गवसलेले नाहीत. पवन महाराज बाहेरगावी असणाऱ्या भक्तमंडळीकडे असण्याची शक्यता वर्तविला, त्याच्या शोधात गाडगेनगर पोलिसांची तीन पथके शोध घेत आहेत.भोंदुगिरी करणाऱ्या पवन महाराजाच्या अंधश्रद्धाळू भक्तांची गाडगेनगर पोलीस कसून चौकशी करीत आहेत. मात्र, भक्त मंडळी पवन महाराजच्या ठिकाणाबद्दल अनभिज्ञ असल्याचे निदर्शनास आले आहे. गाडगेनगरचे पोलीस उपनिरीक्षक शंकर डेडवाल यांच्यासह अन्य दोन पीएसआयची पथके पवन महाराजाच्या शोधात बाहेरगावी आहेत. त्याच्या भक्तांकडे जाऊन पोलीस पवन महाराजाविषयी चौकशी करीत आहेत. मात्र, अद्यापपर्यंत पवन महाराजाचा सुगावा पोलिसांना लागला नाही. जे भक्त पवन महाराजला पाठीशी घालणार आहेत, त्यांच्यावरसुद्धा कारवाई केली जाईल, अशी माहिती ठाणेदार मनीष ठाकरे यांनी दिली.