अमरावती : युवतीच्या व्हॉट्सॲपवरील डीपीवर ठेवलेल्या फोटोचा स्क्रीनशार्ट घेऊन सोशल मीडियावर व्हायरल करण्याची व लग्न मोडण्याची धमकी दिल्याची घटना नागपुरीगेट ठाणे हद्दीत १३ जानेवारी ते ५ फेब्रुवारी दरम्यान घडली. युवतीच्या तक्रारीवरून एका युवकाविरुद्ध पोलिसांनी विनयभंगाचा गुन्हा नोंदविला.
--------------------------------------------------
एमआयडीसीतून दुचाकी लंपास
अमरावती : एमआयडीसी परिसरातून ६० हजार रुपये किमतीची दुचाकी क्रमांक एमएच २७ सीटी ०९२२२ ही चोरीला गेल्याची घटना गुरुवारी घडली. फिर्यादी आदर्श संजय भटकर (१८, रा. बहीलोलपूर) यांनी राजापेठ ठाण्यात तक्रार नोंदविली.
-----------------------------------------
मायानगरातून तडीपाराला अटक
अमरावती : जिल्ह्यातून दोन वर्षांकरिता तडीपार केलेल्या आरोपीने आदेशाचे उल्लंघन केल्याप्रकरणी मायानगरातून राजापेठ पोलिसांनी गुरुवारी अटक केली. बादल किशोर लुंड (२०, रा. मायानगर) असे अटकेतील आरोपीचे नाव आहे.
------------------------------
शिवाजीनगरात अवैध दारू पकडली
अमरावती : राजापेठ पोलिसांनी येथील शिवाजीनगरात शुक्रवारी धाड टाकून ९०० रुपयांची अवैध दारू जप्त केली. आरोपी शैलेश ऊर्फ पिंटू विजयराव चव्हाण (४०, रा. शिवाजीनगर) याच्याविरुद्ध गुन्हा नोंदविला आहे.