शहरभर कडेकोट बंदोबस्त, तरीही दोघांवर सशस्त्र हल्ला

गणेशोत्सवादरम्यान शहरात एकीकडे पोलिसांचा कडेकोट बंदोबस्त तैनात असताना दुसरीकडे अज्ञात हल्लेखोरांनी एकाच रात्री दोन जणांवर सशस्त्र हल्ला करुन त्यांना गंभीर जखमी केले.

अमरावती : गणेशोत्सवादरम्यान शहरात एकीकडे पोलिसांचा कडेकोट बंदोबस्त तैनात असताना दुसरीकडे अज्ञात हल्लेखोरांनी एकाच रात्री दोन जणांवर सशस्त्र हल्ला करुन त्यांना गंभीर जखमी केले. कोतवाली पोलीस ठाण्यापासून हाकेच्या अंतरावर जयस्तंभ चौक व मालवीय चौकात शनिवारी रात्री या घटना घडल्यात. या घटनेने व्यापाऱ्यांमध्ये दहशत निर्माण झाली आहे. ब्रह्मदत्त रामनारायण शर्मा (६०, रा. सतिधाम मार्केट) व कुणाल ओंकार राऊत (२५,रा. पार्वतीनगर) अशी जखमींची नावे आहेत.ब्रह्मदत्त शर्मा यांचे मालवीय चौकात इलेक्ट्रीक वस्तू विक्रीचे दुकान आहे. रविवारी रात्री ९ वाजता ते दुकानात टीव्हीवर क्रिकेटचा सामना बघत होते. तेथे एम.एच.३१ बी.३०८५ या दुचाकीवर तीन अज्ञात इसम आले. यापैकी दोघे दुकानात शिरले.