अमरावती : दर्यापूर राज्य मार्गावर भरधाव वेगाने जाणारी कार पलटी झाल्याची घटना शनिवारी मध्यरात्री एक वाजताच्या सुमारास भीषण अपघात घडला. एम एच ४३ए. एन.२९.३७ या क्रमांकाच्या कारने अमरावतीवरून शेगाव करिता दर्शनाला जात असताना हा अपघात झाला. अर्ध्या वाटेतच काळाने घाला घातला आणि चालकाचा दुर्दैव अंत झाला. त्यामधील आणखीन तीन युवक गंभीर जखमी झाले. शिंगणापूर फाट्यावरून एक किलोमीटर अंतरावर अपघात घडला.
प्रज्वल संजय देशमुख वय २३ असे मृतक चालकाचे नाव आहे, गौरव सुरेश जाहिले, २० अर्पित संजय धावले १९, सर्वज्ञ गजानन आंबुलकर १९ सर्व रा अमरावती असे गंभीर जखमी झालेल्या युवकांचे नाव आहेत.
घटनेची माहिती मिळताच खोलापूर पोलीस स्टेशनचे ठाणेदार वैभव महांगरे यांनी घटनास्थळी धाव घेत पंचनामा केला. मृतदेह शवच्छेदनकरिता दर्यापूर येथील उपजिल्हा रुग्णालय येथे पाठवण्यात आला. अन्य तीन गंभीर जखमी यांना अमरावती येथील जिल्हा सामान्य रुग्णालय येथे उपचारार्थ पाठवण्यात आले. पुढील तपास खोलापूर पोलीस करीत आहेत.