सिटी कोतवाली पोलिसांची तीन ऑटोचालकांविरुद्ध कारवाई
अमरावती : सार्वजनिक रस्त्यावर ऑटो उभा करून वाहतुकीस अडथळा निर्माण केल्याप्रकरणी सिटी कोतवाली पोलिसांनी तीन ऑटोचालकाविरुद्ध २२ मार्च रोजी गुन्हा नोंदविला.
ही कारवाई जयस्तंभ चौकात करण्यात आली. आरोपी दिनेश प्रभाकरराव गुन्हाने (४३, प्रभात कॉलनी), मो. फिरोज मो. अब्दुल (४०, रा. बिस्मिल्लानगर) , मो. फिरोज मो. अय्यर कुरेशी (५८, रा. नमुना गल्ली न. २) यांच्याविरुद्ध गुन्हा नोंदवून समजपत्रावर सोडण्यात आले.
-----------------
वरली अड्ड्यावर धाड, दोन हजारांचा मुद्देमाल जप्त
बडनेरा : नजीकच्या अंजनगाव बारी चौकात बडनेरा पोलिसांनी धाड वरलीच्या चिठ्ठ्यांसह १९५० रुपयांचा मुद्देमाल जप्त केला. ही कारवाई २२ मार्च रोजी सायंकाळी करण्यात आली. आरोपी निरंजन रामदास गरूड (३४) वसंता सुखदेव बन्सोड (३७), राजू शेवतकर विरुद्ध गुन्हा नोंदवून समजपत्रावर सोडण्यात आले.
--------------------------
दसरा मैदानात वरली मटक्यावर धाड
अमरावती : राजापेठ पोलिसांनी दसरा मैदानालगत झोपडपट्टीत धाड टाकून वरलीच्या चिठ्ठांसह ७६० रुपयांचे मुद्देमाल २२ मार्च रोजी जप्त केला. यात आदित्य अनिल वानखडे (४०), बंडू सरोदे रा. लढ्ढा प्लॉट) सह एका महिलेविरुद्ध गुन्हा नोंदविण्यात आला. ही कारवाई वरिष्ठ पोलीस निरीक्षक मनीष ठाकरे यांच्या मार्गदर्शनात नायक पोलीस शिपाई नीलेश गुन्हाने, वानखडे यांनी केली.
-----------
१७५० रुपयांचा जुगार पकडला
अमरावती : नागपुरी गेट पोलिसांनी यास्मीननगर झोपडपट्टीत २२ मार्च रोजी धाड टाकून १७५० रुपयांचा जुगार पकडला. यात साबीर अली मो. अली (४०, रा. नूरनगर), सुधाकर कवलुजी कुंभलकर (५३, हमालपुरा) विरुद्ध गुन्हा नोंदवून समजपत्रावर सोडण्यात आले.
---------------
परिहारपुऱ्यातून १०३० रुपयांची दारू जप्त
अमरावती : फ्रेजरपुरा पोलिसांनी परिहार पुऱ्यात कारवाई करून १०३० रुपयांची अवैध दारू २२ मार्च रोजी जप्त केली. यामध्ये मनोज मोहन बेनीवाल (४६) विरुद्ध गुन्हा नोंदवून समजपत्रावर सोडण्यात आले.
---------------
चिंचोली फाट्यावरून अवैध दारू जप्त
अमरावती : वलगाव पोलिसांनी चिंचोली फाट्यावर अवैध दरू वाहून नेताना मोपेड वाहनासह आरोपीला ताब्यात घेतले. ही घटना २२ मार्च रोजी दुपारी १२ वाजता चिंचोली फाट्यावर घडली. पोलिसांनी अतुल रामकृष्ण हरडे (४०, रा. शिराळा) विरुद्ध गुन्हा नोंदविला.
---------------------
मायानगरातून अवैध देशी दारू जप्त
अमरावती : राजापेठ पोलिसांनी २२ मार्च रोजी मायानगरात धाड टाकून १३२६ रुपयांची अवैध देशी दारू जप्त केली. यातील आरोपी विलास केशवराव बानोस्कर (३८, कुंभारवाडा) हा फरार असल्याचे पोलीस दफ्तरी नोंद करण्यात आली आहे.