मोर्शी : अनैतिक संबंधाचा आरोप करून एका ३० वर्षीय महिलेला मारहाण करण्यात आली. २५ एप्रिल रोजी ही स्थानिक गाडगेनगरमध्ये ही घटना घडली. याप्रकरणी मोर्शी पोलिसांनी गिट्टीखदान येथील एका महिलेसह चौघांविरुद्ध गुन्हा दाखल केला.
--------------
गाडगेनगरात मुलासह महिलेला मारहाण
मोर्शी : येथील गाडगेनगर भागात गिट्टी खदानमधील ४० वर्षीय महिलेला मारहाण करण्यात आली तसेच भांडण सोडविण्यासाठी आलेल्या तिच्या मुलालादेखील मारहाण करण्यात आली. २५ एप्रिल रोजी जुन्या वैमनस्यातून ही घटना घडली. याप्रकरणी गाडगेनगर येथील चार महिलांविरुद्ध गुन्हा दाखल करण्यात आला.
-------------
पवनी शिवारातून बैलजोडी लांबविली
वरूड : तालुक्यातील पवनी शिवारातून बैलजोडी लंपास करण्यात आली. २२ ते २३ एप्रिलच्या रात्री ही घटना घडली. याप्रकरणी शेतकरी प्रदीप चौधरी (४०, रा. पवनी संक्राजी) यांच्या तक्रारीवरून अज्ञाताविरुद्ध गुन्हा दाखल करण्यात आला.
-----------------
अल्पवयीन मुलीला पळविले
चिखलदरा : तालुक्यातील एका गावातून १६ वर्षे ८ महिने वयाच्या मुलीला फूस लावून पळवून नेण्यात आले. २१ एप्रिल रोजी दुपारी ही घटना घडली. याप्रकरणी चिखलदरा पोलिसांनी २६ एप्रिल रोजी अज्ञाताविरुद्ध गुन्हा दाखल केला.
---------------
दिघी महल्ले घाटावर तरुणाला मारहाण
धामणगाव रेल्वे : तालुक्यातील दिघी महल्ले येथील रेतीघाटावर मोहन बोबाटे (३०, मंगरूळ दस्तगीर) याला मारहाण करण्यात आली. २५ एप्रिल रोजी दुपारनंतर हा प्रकार घडला. मंगरूळ दस्तगीर पोलिसांनी याप्रकरणी ऋषीकेश ठाकरे (४०) व आकाश भेंडे (रा. धामणगाव रेल्वे) यांच्याविरुद्ध गुन्हा दाखल केला.
-------------
रायपूर कासारखेडमध्ये ग्रामपंचायत कार्यालयातील साहित्य जाळले
धामणगाव रेल्वे : तालुक्यातील रायपूर कासारखेड येथील ग्रामपंचायत कार्यालयातील कम्प्यूटर टेबलला आग लावण्यात आली. यात संगणक, झेरॉक्स, प्रिंटर असे १ लाख ६१ हजारांचे साहित्य जळून खाक झाले. २६ एप्रिल रोजी दुपारी ही घटना घडली. ग्रामसेवक दीपक शिकारे (३२) यांच्या तक्रारीवरून आरोपी अतुल रामभाऊ साठवणे (२६, रा. रायपूर) याच्याविरुद्ध दत्तापूर पोलिसांनी गुन्हा दाखल केला.
------------
फोटो पी २९ मनपा
बाजार समितीत दंड, कारवाई
अमरावती : स्थानिक बाजार समितीत फिजिकल डिस्टन्स न ठेवणे, मास्कचा वापर न करणे, सामाजिक अंतर न ठेवणे, रस्त्यावर थुंकणे, कोविड टेस्ट आदीबाबत दंडात्मक कार्यवाही करण्यात आली, तर एका आस्थापनेकडे कोविड १९ तपासणी प्रमाणपत्र नसल्याबाबत १००० रुपये दंड करण्यात आला.
----------
इतवारा बाजारातून दंड वसूल
अमरावती : इतवारा बाजार परिसरात अत्यावश्यक सेवेचे दुकान सोडून इतर दुकान सुरू असल्याने एका आस्थापनेकडून १०,००० रुपये दंड वसूल करण्यात आला. इर्विन चौक परिसरात दोन आस्थापनांकडून प्रत्येकी १०,००० प्रमाणे २०,००० रुपये दंड असा एकूण ३१,००० रुपये इतका दंड वसूल करण्यात आला. बुधवारी ही कारवाई करण्यात आली. ज्येष्ठ स्वास्थ्य निरीक्षक बुरे, झोन क्र.२ चे सर्व स्वास्थ्य निरीक्षक उपस्थित होते.
---------
अकारण फिरणाऱ्यांची कोविड चाचणी
अमरावती : शहरात विनाकारण फिरत असलेल्या नागरिकांची लालखडी चौकात मोबाईल व्हॅन आरोग्य विभागाच्या टीमद्वारे १९ जणांची आरटी-पीसीआर टेस्ट करून घेण्यात आली. सहायक आयुक्त भाग्यश्री बोरेकर, सहायक आयुक्त प्राची कचरे, ज्येष्ठ स्वास्थ्य निरीक्षक विक्की जेधे, अभियंता सहाळे, स्वास्थ्य निरीक्षक सी.आर.पछेल, ए.एम. सैयद, जीवन राठोड, मोहित जाधव, मनीष नकवाल व कर्मचारी उपस्थित होते.
-----------
पाणीपुरवठ्याकडे पालिकेकडून दुर्लक्ष
अचलपूर : परतवाडा शहराच्या वाढीव पाणीपुरवठा योजनेकरिता चंद्रभागा धरणावर ९.१६१ दशलक्ष घनमीटर पाणी आरक्षित केले गेले. यातील ६.१५० दलघमी पाण्याचा वापर नगर परिषदेने सुरू केला. या ६.१५० दलघमी पाण्यासोबतच १.५० दलघमी वाढीव पाण्याचा प्रस्ताव नगरपालिकेकडून पाटबंधारे विभागाकडे सादर करण्यात आला. पण, पाणी वितरण व्यवस्थेतील पाईप लाईनवरील मोठी गळती नगर परिषदेकडून वर्षानुवर्षे आजही दुर्लक्षित आहे.
----------
उन्हाळ्यात कूलर सजगतेने वापरण्याचे आवाहन
येवदा : उन्हाळ्याच्या दिवसांत घरोघरी कूलर निघाले आहेत. कूलरचा वापर थ्री-पीन प्लगवरच करावा. घरात अर्थ लिकेज सर्किट ब्रेकर्स बसवून घ्यावेत. अर्थिंग योग्य असल्याची तपासणी सातत्याने करावी. कूलरमध्ये पाणी भरतेवेळी आधी वीज प्रवाह बंद करून प्लग काढावा. मगच त्यात पाणी भरावे. कूलर लाकडी स्टॅण्डवर ठेवावा, असे आवाहन करण्यात आले.
-----------------
धारणीच्या शासकीय कार्यालयात पाणीटंचाई
धारणी : मुख्यालयामध्ये जवळपास १७० गावांतील नागरिक हजारोंच्या संख्येने दररोज तहसील व पंचायत समिती कार्यालयात विविध कामांसाठी येतात. त्यामुळे तहसील व पंचायत समिती या दोन महत्त्वाच्या कार्यालयांमध्ये उभारण्यात आलेल्या पाण्याच्या टाकीमध्ये पिण्याचे पाणी उपलब्ध करून देण्याची मागणी जनतेकडून जोर धरू लागली आहे.
------------
नवे रोहित्र लावण्याची शेतकऱ्यांची मागणी
पुसला : शेतातील डीबीवरील उच्च दाबामुळे वीजपुरवठा खंडित होत असल्याने शेतातील ओलीत करणे कठीण होत आहे. त्यामुळे नवीन डीबी बसविण्याची मागणी युवा मित्र मंडळ व शेतकऱ्यांनी महावितरणकडे केली आहे. नवीन डीबी बसविण्याची मागणी सूरज धर्मे, संदीप बागडे, योगेश विंचूरकर, राजेश गजभिये, अतुल पाटील, योगेश ढोरे, हर्षल ढोरे , दत्तू अळसपुरे, होमचंद जिचकार, दयाराम गोंडाणे यांनी केली.
---------------