येरड ते चांदूरखेडा, सुलतानपूर रस्त्याची दुर्दशा
चांदूर रेल्वे : तालुक्यातील येरड ते चांदूरखेडा या नागपूर - औरंगाबाद सुपर एक्सप्रेस हायवेपर्यंत दोन किलोमीटर व येरड ते सुलतानपूर या ४ किमी रस्त्याची मोठी दुर्दशा झाली आहे. या दोन्ही रस्त्याचे डांबरीकरण उखडून रस्त्याची गिट्टी बाहेर निघाली आहे. रस्त्यावर जागोजागी खड्डे पडलेले दिसत आहे. परिमाणी, वाहनचालकांना मोठी कसरत करावी लागत आहे.
---------------
पथ्रोट पोलीस ठाण्यात आज रक्तदान शिबिर
पथ्रोट : कोविड आजाराच्या वाढत्या प्रमाणामुळे रक्ताचा तुटवडा निर्माण झाला आहे. सबब, १ मे रोजी पथ्रोट पोलिसांनी रक्तदान शिबिराचे आयोजन केले आहे. पोलीस ठाण्याच्या परिसरात होणाऱ्या या शिबिरात अधिकाधिक लोकांनी सहभागी होण्याचे आवाहन ठाणेदार सचिन जाधव यांनी केले आहे.
---------------
आझाद हिंद मंडळातर्फे आज रक्तदान शिबिर
अमरावती : कोरोना विषाणूचा प्रादुर्भाव व रक्ताची गरज लक्षात घेता आझाद हिंद मंडळातर्फे रक्तदान शिबिराचे आयोजन १ मे रोजी सकाळी ९ ते दुपारी २ वाजेपर्यंत केले आहे. यात सहभागी होण्याचे आवाहन मंडळातर्फे करण्यात आले आहे.
----