परतवाडा : मोहननगर येथील सिद्धार्थ शाळेजवळून प्रेमदास सुदामजी इंगळे (५१, रा. नारायणपूर) यांची एमएच २७ बीव्ही ६६२५ क्रमांकाची दुचाकी २८ जानेवारी रोजी लंपास करण्यात आली. त्यांनी ९ फेब्रुवारी रोजी परतवाडा पोलीस ठाण्यात तक्रार दिली.
---------
अल्पवयीन मुलीवर अत्याचार
ब्राह्मणवाडा थडी : नजीकच्या गावात १६ वर्षीय मुलीवर नागपूर येथे वास्तव्यास असलेल्या ३४ वर्षीय युवकाने अत्याचार केला. ८ फेब्रुवारी रोजी याबाबत पोलिसांत तक्रार देण्यात आली. याप्रकरणी भादंविचे कलम ३७६ (२) (फ) (आय), ४५२, ५०६ सह कलम ४, २ पोक्सो अन्वये गुन्हा दाखल केला.
-------
ट्रकमधून ४५ हजारांचा मुद्देमाल लंपास
मंगरूळ दस्तगीर : तळेगाव ते मंगरूळ चव्हाळा दरम्यान नागपूर मार्गावर उभ्या ट्रकमधून ४५,८१५ रुपयांचा मुद्देमाल अज्ञाताने लंपास केल्याची घटना ५ फेब्रुवारी रोजी उघड झाली. ट्रकचालक हनुमानप्रसाद दुबे (रा. ठाणे) यांच्या तक्रारीवरून मंगरूळ चव्हाळा पोलिसांनी गुन्हा नोंदविला.
------------------
गौण खनिजाची चोरी, ट्रॅक्टर-ट्रॉली जप्त
आसेगाव पूर्णा : विनापरवाना गौण खनिजाची वाहतूक करणारी ट्रॅक्टर ट्रॉलीने आसेगाव पोलिसांनी ताब्यात घेतली. ४ लाख ११ हजारांचा मुद्देमाल पोलिसांनी पूर्णा नदीच्या पुलावरून जप्त केला. अब्दुल रफीक अ. रऊफ (३२, रा. अंबाडा) याच्याविरुद्ध मंगळवारी गुन्हा नोंदविण्यात आला.
----------------
भरधाव ट्रकची अन्य ट्रकला धडक
तळेगाव दशासर : भरधाव ट्रक (जीजे१९ एक्स ६४०९) ने विरुद्ध दिशेने येणाऱ्या एमएच २१ बीएच ३३१३ क्रमांकाच्या ट्रकला धडक दिल्याने चालक जखमी झाला. ही घटना ९ फेब्रुवारी रोजी घडली. दशरथ सुनीया वसावे (४०, रा. चनवाई, जि. नंदुरबार) यांनी तक्रारीवरून गुन्हा नोंदविला.
----------------