अमरावती : जिल्हा परिषद प्राथमिक शिक्षण विभागांतर्गत १४ तालुक्यांमध्ये जवळपास ५,९३२ प्राथमिक शिक्षक कार्यरत आहेत. त्यांचे वेतन दरमहा ऑफलाईन पद्धतीने होत आहे. डोकेदुखी ठरणारी ही प्रक्रिया बदलून यापुढे शिक्षकांचे वेतन ऑनलाईन सीएमपी प्रणालीने सुरू करण्याच्या अनुषंगाने शिक्षण सभापतींच्या अध्यक्षतेखाली १० सदस्यीय अभ्यास समिती २२ जून रोजी जालना जिल्हा परिषदेने सुरू केलेल्या सीएमपी प्रणालीचा विस्तृत अभ्यास केला. त्यानुसार सीएमपी प्रणाली आता स्थानिक जिल्हा परिषदेत सुरू करण्याच्या हालचाली सुरू झाल्या आहेत.
जिल्हा परिषदेच्या अखत्यारित असलेल्या जिल्हा परिषद प्राथमिक शिक्षकांचे वेतन जालना, वाशिम, हिंगोली या जिल्ह्यांमध्ये सीएमपी प्रणालीद्वारे अदा केले जात आहे. त्यामुळे सीएमपी प्रणालीची माहिती जाणून घेण्यासाठी अमरावती जिल्हा परिषदेचे शिक्षण व बांधकाम समितीचे सभापती सुरेश निमकर यांच्या अध्यक्षतेखाली उप मुख्य लेखा व वित्त अधिकारी दत्ता फिसके, शिक्षणाधिकारी (प्राथमिक) एजाज खान यांच्यासह १० जणांची अभ्यास समितीने नुकतीच जालना जिल्हा परिषदेला भेट देऊन या ठिकाणी सीएमपी प्रणालीद्वारे शिक्षकांचे वेतन कशा पद्धतीने अदा केले जाते, याची विस्तृत माहिती जाणून घेतली. सीएमपी प्रणालीसंदर्भात मुख्य लेखा व वित्त अधिकारी उत्तम चव्हाण यांनी जालना सीएमपी उपक्रमाचा प्रवास व प्रणालीचे फायदे याची इंत्थंभूत माहिती अभ्यास समितीसमोर विशद केली. उप मुख्य लेखा वित्त अधिकारी पुंडगे, उपशिक्षणाधिकारी खरात, विस्तार अधिकारी सोळंके, कॅशियर सिरसाठ, भाऊसाहेब काकडे आदींनी शिक्षक कर्मचाऱ्यांच्या वेतनासह अन्य लाभही सीएमपी प्रणालीद्वारे दिले जातात. त्यासाठी काय उपाययोजना, कामकाज करण्याची पद्धत याबाबतही विस्तृत माहिती अभ्यास समितीने जाणून घेतली.
बॉक्स
सीएमपी प्रणाली येणार का अंमलात?
जालना जिल्हा परिषदेमार्फत शिक्षक व अन्य कर्मचाऱ्यांच्या वेतनासह अन्य लाभ देण्याची सर्व प्रक्रिया ही आरटीजीएसद्वारे संबंधिताच्या खात्यात जमा केली जाते. त्यामुळे मध्यल्या टेप कमी होऊन कर्मचाऱ्यांना वेळेवर आपल्या हक्काचा लाभ मिळतो. त्यामुळे सीएमपी प्रणालीची प्रक्रिया जिल्हा परिषदेत अभ्यास समितीच्या दौऱ्यानंतर राबविली जाईल का, याकडे सर्वांचे लक्ष लागले आहे.
कोट
सीएमपी प्रणालीची विस्तृत माहिती जाणून घेतली. या प्रणालीच्या माध्यमातून वेतनासह निवृत्तीचे लाभ, कंत्राटदराची देयके अदा केली जातात. अतिशय चांगली ही प्रक्रिया आहे. सदर प्रक्रिया राबविण्यासाठी अध्यक्ष यांच्या मार्गदर्शनात सीएमपी प्रणाली येथील झेडपीत सुरू केली जाईल.
सुरेश निमकर
सभापती तथा अभ्यास समिती प्रमुख