अमरावती : रेमडेसिविर हे कोरोनावर रामबाण औषध आहे, रेमडेसिविर इंजेक्शनमुळे रुग्ण बरा होतो, गंभीर रुग्णाचा मृत्यू होत नाही किंवा फुफ्फुसातील संसर्ग कमी करतो, हा जनतेमधील गैरसमज आहे. हे औषध कोरोनासाठी प्रभावशाली नसून, वैद्यकीय क्षेत्रात इतर औषधी याहीपेक्षा उपयुक्त ठरत आहेत. त्यामुळे रुग्णाच्या नातेवाईकांनी रेमडेसिविर मिळत नाही म्हणून भयभीत होऊ नये, असे आवाहन सेवाग्राम येथील कस्तुरबा रुग्णालयाचे वैद्यकीय अधीक्षक डॉ. एस.पी. कलंत्री यांनी केले.
रेमडेसिविर इंजेक्शनने कोराना रुग्णांचा मृत्युदर कमी करणे, रुग्णाला तयार होणे भीतीदायक आहे. त्यामुळे व्हेंटिलेटर लागण्यापासून वाचविणे किंवा आयसीयूमधील रुग्णाचे रुग्णांचे दिवस कमी करणे तसेच फुफ्फुसातील संसर्ग थांबविणे यापैकी कोणत्याही कारणासाठी उपयुक्त ठरत नसल्याचे त्यांनी संशोधनाअंती म्हटले आहे. वृद्ध रुग्णसुद्धा रेमडेसिविरचा उपयोग झालेला नाही. जगातल्या २८ देशांमध्ये झालेल्या संशोधनातून जागतिक आरोग्य संघटनेनेसुद्धा रेमडेसिविर उपयुक्त नसल्याचे म्हटले आहे. सोशल मीडियाने या औषधाबद्दल पूर्णपणे बरे होऊ शकते, असेही समाजात गैरसमज पसरविला आहे, असे डॉ.कलंत्री यांनी सांगितले आहे. एखाद्या व्यक्तीला कोरोना झाला आणि रेमडेसिविर मिळत नाही म्हणून त्याचा मृत्यू अटळ आहे, हा भ्रम लोकांमध्ये तयार होणे भीतीदायक आहे. त्यामुळे रुग्णाचे नातेवाईक डॉक्टरांवर रेमडेसिविर देण्यासाठी दबाव आणतात. मात्र, विना इंजेक्शननेही रुग्ण पूर्णपणे बरा होऊ शकतो, असेही त्यांनी सांगितले.