जिल्हा परिषद: यंत्रणेचे अंमलबजावणीकडे दुर्लक्ष
अमरावती: जिल्हा परिषदेच्या अखत्यारित येणाऱ्या इमारती, शाळा, प्राथमिक आरोग्य केंद्र आदी शासकीय इमारतीवर रेनवॉटर हार्वेस्टिंगच्या माध्यमातून पाण्याचे संवर्धन करण्यात येत नव्हते. परिणामी, यापुढे जिल्हा परिषदेच्या जुन्या व नव्याने उभारण्यात येणाऱ्या इमारतींवर रेनवॉटर हार्वेस्टिंग करणे बंधनकारक करण्याचा ठराव गत १३ ऑगस्ट २०१९ रोजीच्या आमसभेत ठराव पारित करण्यात आला आहे; मात्र या ठरावानंतर याच अंमलबजावणी होताना दिसून येत नाही.
गतवर्षीची दुष्काळी परिस्थिती गंभिर होती. अशातच ग्रामीण भागात पाणी टंचाई भीषण बनली होती. त्यामुळे अनेक गावांना पिण्याच्या पाण्याचा टँकरने पाणी पुरवठा करावा लागला. त्यामुळे गेल्या पावसाळ्यात किमान वाहून जाणारे पावसाचे पाणी जमिनीत मुरविण्यासाठी झेडपी अध्यक्षांसह पदाधिकाऱ्यांनी पुढाकार घेतला. तसे लेखीपत्रही जिल्हा परिषदेच्या प्रशासन प्रमुखांना अध्यक्षांनी दिले. सदर पत्रानुसार पुढील कारवाई करण्याच्या सूचना सीईओंनी आपल्या अधिनस्त यंत्रणेच्या प्रमुखांना दिल्या होत्या; मात्र यांची अंमलबजावणी केली जात नव्हती. परिणामी, गतवर्षी जिल्हा परिषदेच्या आमसभेतच रेनवॉटर हार्वेस्टिंग करणे बंधनकारक केले आहे. त्यामुळे आता जिल्हा परिषद मुख्यालयासह सर्व शाळा, प्राथमिक आरोग्य केंद्राच्या इमारती व अन्य शासकीय इमारतीमध्ये रेनवॉटर हार्वेस्टिंग करावयाचे हाेते; मात्र आमसभेतील ठरावानुसार याबाबत प्रभावी अंमलबजावणी होत नाही. परिणामी, सभेचा ठरावही बेदखल झाल्याचे यावरून दिसून येते.