---------------------------------------------
घरातील मोबाईल लंपास
अमरावती : दीपनगरातील एका घरातून चोराने मोबाईल लंपास केल्याची घटना गुरुवारी उघडकीस आली. धनंजय ज्ञानेश्वर बुध (३१ रा. फरशी स्टॉप) हे आई-वडिलांसोबत स्वयंपाकगृहात जेवण करीत होते. दरम्यान त्यांच्या घरातील हॉलमधून चोराने मोबाईल लंपास केला. बुध यांच्या तक्रारीवरून फ्रेजरपुरा पोलिसांनी अज्ञात आरोपीविरुध्द गुन्हा नोंदविला.
-------------------------------------------------
एक्सल इंटरनॅशनल स्कूलमध्ये चोरी
अमरावती : चपराशीपुरा स्थित एक्सल इंटरनॅशनल पब्लिक स्कूलच्या परिसरातून ६ हजार ५०० रुपयांचे साहित्य चोराने लंपास केले. ही घटना गुरुवारी उघडकीस आली. प्राचार्य शोएब खान वल्द असदउल्ला खान (४५ रा. चपराशीपुरा) हे शाळेची पाहणी करीत असताना, त्यांना परिसरात उघड्यावर ठेवलेल्या लोखंडी खुर्च्या, वॉटर कुलर, वॉशिंग मशिन, पाईप तसेच सीसीटीव्ही कॅमेरे चोराने लंपास केल्याचे आढळून आले. त्यांनी या घटनेची तक्रार फ्रेजरपुरा पोलिसात नोंदविली.
-----------------------------------------
बोअरवेलमधील मोटार लंपास
अमरावती : फ्रेजरपुरा हद्दीतील नीळकंठ ले-आऊट परिसरातून बोअरवेलमधील पाण्याची मोटार चोराने लंपास केली. किसन रुपराव सगणे (३७ रा. दरोगा प्लॉट) हे त्यांच्या खुल्या प्लॉटवर गेले असता, त्यांना मोटार चोरी गेल्याचे आढळून आले. त्यांच्या तक्रारीवरून फ्रेजरपुरा पोलिसांनी अज्ञाताविरुध्द गुन्हा नोंदविला.