अमरावती : जिल्ह्याच्या ग्रामीण भागातील तीर्थक्षेत्र विकास योजनेंतर्गत विविध तालुक्यांतून जिल्हा परिषद बांधकाम विभागाकडे 'ब' वर्ग तीर्थक्षेत्र स्थळाचा दर्जा व विकासकामांसाठी २४ प्रस्ताव प्राप्त झाले होते. सदर प्रस्ताव बांधकाम विभागाने दर्जा व विकासकामाच्या मान्यतेसाठी ग्रामविकास विभागाकडे सादर केले आहेत. मात्र, गत वर्षभरापासून सर्व प्रस्ताव मान्यतेअभावी मंत्रालयात पडून आहेत. त्यामुळे या प्रस्तावाच्या मंजुरीची झेडपी पदाधिकारी व सदस्यांना प्रतीक्षा लागली आहे.
जिल्ह्यातील चांदूर बाजार, वरूड, नांदगाव खंडेश्र्वर, भातकुली, अमरावती, दर्यापूर, चांदूर रेल्वे आणि धामणगाव रेल्वे या ८ तालुक्यांतील विविध गावांतील तीर्थस्थळांना 'ब' वर्ग तीर्थक्षेत्राचा दर्जा मिळवा याकरिता झेडपीच्या बांधकाम विभागाकडे प्रस्ताव सादर करण्यात आले होते. त्यानुसार बांधकाम विभागाने ग्रामविकास विभागाकडे सन २०१७ ते २०१९ या कालावधीत जिल्ह्यातील २४ प्रस्ताव ग्रामविकास मंत्रालयात मंजुरीसाठी सादर केले आहेत. परंतु, वर्षभरापासून या प्रस्तावावर निर्णय झालेला नाही. त्यामुळे तीर्थक्षेत्राचे प्रस्ताव मंजूर करावे, अशी मागणी झेडपी सदस्यांकडून होत आहे.
बॉस
अशी आहेत तिर्थक्षेत्राचे प्रस्ताव
अ'ब' वर्ग तीर्थस्थळी विविध कामांसाठी जिल्ह्यातील चांदूर बाजार तालुक्यातील संत गुलाब बाबा महाराज समाधी मंदिर माधान, सुदंरनारायण संस्थान धानोरा पूर्णा, संत गुलाब बाबा संस्थान शिरजगाव बंड, श्रीक्षेत्र शिरजगाव कसबा, तुळसा माता संस्थान घाटलाडकी,वरूड मधील सय्यद शाह जलालुद्दीन बाबा दर्गाह आमनेर, वसंत महाराज संस्थान लोणी, श्रीक्षेत्र दादाजी धुनीवाले संस्थान लिंगा, नांदगाव खंडेश्र्वरमधील श्रीक्षेत्र सुरेशबाबा संस्थान फुबगाव, महादेव संस्थान काजना, विठ्ठल रूख्मिणी मंदिर शेलुगुंड, अमृत महाराज देवस्थान सार्सी कोठोडा, भातकुलीमधील महालक्ष्मी संस्थान गणोजा देवी, अमरावतीमधील भद्रा मारोती संस्थान अलीयाबाद, तपोनेश्र्वर संस्थान बोडणा, दर्यापूरमधील वियोगी महाराज संस्थान उमरी इतबारपूर, चांदूर रेल्वेमधील श्रीक्षेत्र त्रिवेणी संगम सावंगी, संत एकनाथ महाराज संस्थान आमला, बेंडोजी बाबा संस्थान घुईखेड, नागदेव संस्थान भिलखेड, अवधूत महाराज संस्थान कारला, खप्ती महाराज संस्थान बागापूर, नागमंदिर संस्थान चांदूरवाडी गव्हाळा आणि धामनगाव रेल्वेमधील श्रीक्षेत्र भिकुजी महाराज संस्था आष्टा या तीर्थक्षेत्राचा समावेश आहे.
कोट
ब' वर्ग तीर्थक्षेत्राचा दर्जा व विकासकामांसाठी २४ प्रस्ताव सादर केले आहेत. या प्रस्तावांना ग्रामविकास विभागाने मान्यता देवून ब वर्ग तिर्थक्षेत्राचा प्रलंबीत प्रश्न निकाली काढावा
सुहासिनी ढेपे
सदस्या
जिल्हा परिषद