आयजींच्या हस्ते शुभारंभ : पोलीस वर्धापन दिन अमरावती : शहराच्या सुरक्षेच्या दृष्टीने पोलीस मित्रांच्या रॅलीने नागरिकांना शनिवारी सुरक्षिततेचा संदेश दिला. यामध्ये तब्बल ६०० पोलीस मित्रांनी सहभाग नोंदविला. महाराष्ट्र पोलीस वर्धापन दिनानिमित्त आयोजित या रॅलीला विशेष पोलीस महानिरीक्षक सजीव सिंघल यांनी हिरवी झेंडी देऊन सुरुवात केली. पोलीस आयुक्तालयाकडून महाराष्ट्र पोलीस वर्धापन दिनानिमित्त विविध कार्यक्रम घेण्यात आले. शनिवारी दुपारी ३ वाजता रॅली निगाली. पोलीस व जनतेत संवाद वाढविणे, नागरिकांना प्रतिसाद देणे, महिला, बालक आणि ज्येष्ठ नागरिकांच्या समस्यांना प्राध्यान्याने लक्ष देणे आदी उद्दिष्टे यशस्वी करण्यासाठी रॅली काढण्यात आले. यावेळी विशेष पोलीस महानिरीक्षक संजीव सिंघल, पोलीस आयुक्त राजकुमार व्हटकर, पोलीस उपायुक्त सोमनाथ घार्गे, मोरेश्वर आत्राम, सर्व ठाण्याचे ठाणेदार, पोलीस कर्मचाऱ्यांची उपस्थिती होती. सिंघल यांनी रॅलीला हिरवी झेंडी दाखवून सुरुवात केल्यावर सहभागी पोलीस मित्रांनी हातात विविध फलके घेऊन नागरिकांना सुरक्षिततेचा संदेश दिला. इर्विन चौकातून निघालेल्या रॅलीचा वसंत हॉल येथे समारोप करण्यात आला.
पोलीस मित्र रॅलीतून
By admin | Updated: January 3, 2016 00:39 IST