पेट्रोल चोरणारी टोळी सक्रिय

शहरात पेट्रोल चोरांची टोळी सक्रिय झाली आहे. तपोवनच्या बाजूला असलेल्या अजमिरे ले-आऊट मधील दत्तविहार कॉलनीतील ...

घरापासून मैदानात नेली वाहने : सात वाहनांतील पेट्रोल लंपासअमरावती : शहरात पेट्रोल चोरांची टोळी सक्रिय झाली आहे. तपोवनच्या बाजूला असलेल्या अजमिरे ले-आऊट मधील दत्तविहार कॉलनीतील सात वाहनांमधून एकाचवेळी पेट्रोल चोरी केल्याची घटना गुरुवारी पहाटे उघडकीस आली. चोरीनंतर वाहने मैदानात बेवारस स्थितीत सोेडून चोरटे पसार झालेत.प्राप्त माहितीनुसार, दत्त विहार परिसरातील रवी लायबर, सुरेन्द्र डहाके, चौधरी आणि चुंबळे यांच्या मालकीचे दुचाकी वाहने त्यांनी घराबाहेर उभी केली होती. पहाटे ३ वाजतादरम्यान चोरट्यांनी सहा वाहने समोरच्या खुल्या मैदानात घेऊन गेले आणि पेट्रोल पाईप कापून वाहनांमधील सर्व पेट्रोल काढून घेतले. पेट्रोल चोरीनंतर वाहने तशीच बेवारस स्थितीत टाकून पळ काढला. रवी लायबर यांची दुचाकी तर खड्डयात पडून असल्याचे आढळून आले. या घटनेमुळे परिसरात भीतीचे वातावरण निर्माण झाले आहे.तपोवण परिसर गाडगेनगर पोलीस ठाण्याच्या हद्दीत येत असून कोणत्याही प्रकारची गस्त या भागात होत नसल्याचे परिसरातील नागरिकांचे म्हणणे आहे. मार्गावरील पथदिवे सतत बंद राहात असल्याने अंधाराचा फायदा चोरटे घेतात. आता वाहनांमधील पेट्रोल चोरी होत असून येणाऱ्या काळात घरफोडी होण्याचीही दाट शक्यता निर्माण झाली आहे. गाडगेनगर पोेलिसांनी तपोवन परिसरात रात्र कालीन गस्त सुरु करण्याची मागणी याभागातील नागरिकांनी केली आहे. (प्रतिनिधी)