राष्ट्रवादी गटनेत्याचा वाद उपमुख्यमंत्र्यांच्या दालनात

महापालिकेत राष्ट्रवादी काँग्रेस आणि राष्ट्रवादी फ्रंटमध्ये सुरू असलेल्या गटनेता पदाचा वाद आता राज्याचे उपमुख्यमंत्री अजित पवार यांच्या दालनात पोहचला आहे.

अमरावती : महापालिकेत राष्ट्रवादी काँग्रेस आणि राष्ट्रवादी फ्रंटमध्ये सुरू असलेल्या गटनेता पदाचा वाद आता राज्याचे उपमुख्यमंत्री अजित पवार यांच्या दालनात पोहचला आहे. या संदर्भात मंगळवारी मुंबईत पार पडलेल्या बैठकीत विभागीय आयुक्तांना पवारांनी योग्य सूचना दिल्याची माहिती आहे. गटनेता पदावरून संजय खोडके आणि आ. रवी राणा पुन्हा आमने- सामने येण्याचे संकेत आहेत.

राष्ट्रवादी

काँग्रेसची महापालिकेत सदस्य संख्या २३ आहे. मात्र लोकसभा निवडणुकीत राष्ट्रवादीने नवनीत राणा यांनी उमेदवारी दिल्यामुळे पक्षनेतृत्वाने घेतलेल्या या निर्णयाविरू ध्द संजय खोडके यांनी राणांच्या उमेदवारीला जोरदार विरोध केला. खोडकेंनी पुकारलेल्या बंडामुळे त्यांना पक्षातून बाहेर पडावे लागले. ऐवढेच नव्हे तर खोडकेंनी राणांच्या पराभवासाठी जोरकसपणे प्रयत्नसुध्दा केलेत. लोकसभा निवडणुकीदरम्यान राष्ट्रवादी कॉग्रेस दोन गटात विभागली गेली. खोडके यांच्या राष्ट्रवादी काँग्रेस फ्रंट या गटासोबत १६ तर राष्ट्रवादी पक्षासोबत सात सदस्य गेले.