--------------------------------------------------------------------------
चारचाकी वाहनाची दुचाकीला धडक
अमरावती: चारचाकी वाहनाने दुचाकीला धडक देऊन झालेल्या अपघातात एक युवक जखमी झाल्याची घटना बडनेरा मार्गावरील हॉटेल रॉयल इनसमोर सोमवारी घडली. जखमी समीर खान बिस्मिल्ला खान (१९, रा. नूरनगर) याच्या तक्रारीवरून अज्ञात वाहनचालकाविरुद्ध राजापेठ पोलिसांनी गुन्हा नोंदविला.
-----------------------------------------------------------------
ऑटोची दुचाकीला धडक, युवक जखमी
अमरावती: अज्ञात ऑटोने दुचाकीला धडक दिल्याने या अपघातात एका युवक गंभीर जखमी झाला. त्याचा येथील एका खासगी हॉस्पीटलमध्ये उपचार सुरू आहे. ही घटना राजापेठ ठाणे हद्दीतील अकोली मार्गावरील मारोती स्पेअर पार्टजवळ मंगळवारी घडली. प्रसाद प्रतापराव काळे (२४, रा. शारदानगर) असे जखमीचे नाव आहे. त्यांचे वडील प्रताप उत्तमराव काळे (५६, रा. शारदानगर) यांनी पोलिसांत तक्रार दिली.
----------------------------------------
मुलीला फूस लावून पळविले
अमरावती: सिटी कोतवाली हद्दीत एका मुलीला अज्ञात आरोपीने फूस लावून पळूवन नेल्याची घटना मंगळवारी घडली. याप्रकरणी मुलीच्या आईने पोलिसात तक्रार दिली असून, अज्ञात आरोपीविरुद्ध भादंविचे कलम ३६३ अन्वये गुन्हा नोंदविला. मुलगी घरी कुणालाही काही न सांगता निघून गेली. घरी परत न आल्याने नातेवाइकांनी पोलिसांत धाव घेतली.