अमरावती : घरी झोपण्यास गेलेल्या युवकाने १० हजारांचा मोबाईल चोरून नेल्याची घटना गाडगेनगर ठाण्यांतर्गत रामलक्ष्मण संकुल सिंधी चौक येथे २ डिसेंबर रोजी घडली. याप्रकरणी गुन्हा पोलिसांनी मंगळवारी नोंदविला. फुलचंद सूरज येवणे ( रा. सर्की जि. बैतुल मध्यप्रदेश) असे आरोपीचे नाव आहे. फिर्यादी अमन नईन देशमुख (२५, रा. वडगाव यवतमाळ, ह. म. सिंधी चौक) यांनी गाडगेनगर ठाण्यात तक्रार नोंदविली. फिर्यादीचा मित्र मंगेश नाईक याने फुलचंदला फिर्यादीच्या घरी झोपण्याकरिता पाठविले असता, त्याने मोबाईल चोरून नेला.
---------------------------------------------
यशोदानगर येथे जुगार पकडला
अमरावती : फ्रेजरपुरा पोलिसांनी येथील यशोदानगरात जुगार अड्ड्यावर धाड टाकून जुगार साहित्यासह १,०२५ रुपयांचा मुद्देमाल जप्त केला. ही कारवाई मंगळवारी करण्यात आली. अनिनाश अशोक पारडे (२६, रा. बेलपुरा) असे आरोपीचे नाव आहे.
-----------------------------------------
कुंभारवाडा येथे दारू पकडली
अमरावती : फ्रेजरपुरा पोलिसांनी येथील कुंभारवाड्यात कारवाई करून १,१०० रुपये किमतीची अवैध दारू जप्त केली. ही कारवाई मंगळवारी करण्यात आली. आरोपी हुसेन रहेमान रायलीवाले (५२, रा. कुंभारवाडा)विरुद्ध पोलिसांनी गुन्हा नोंदविला.
-----------------------------------------
लक्ष्मीनगरातून दारू जप्त
अमरावती : गाडगेनगर ठाण्याच्या हद्दीतील लक्ष्मीनगर येथे पोलिसांनी मंगळवारी धाड टाकून १०८० रुपयांची अवैध दारू जप्त केली. याप्रकरणी एका महिलेविरुद्ध गुन्हा नोंदविण्यात आला.पुढील तपास पोलीस करीत आहे.
--------------------------------
इर्विन रुग्णालयात महिलेचा मृत्यू
अमरावती : एका ३८ महिलेला इर्विन रुग्णालयात आणले असता डॉक्टरांनी तपासून मृत घोषित केले. याप्रकरणी बडनेरा पोलसांनी आकस्मिक मृत्यूची नोंद केली आहे.
---------------------
अंबा कॉलनीत इसमाची गळफास घेऊन आत्महत्या
अमरावती : अंबा कॉलनीत राहणाऱ्या व एका इसमाने गळफास घेऊन आत्महत्या केली होती. याप्रकरणी राजापेठ पोलिसांनी आकस्मिक मृत्यूची नोंद केली. परमेश्वर संपतराव नागले (४७, रा. अंबा कॉलनी) असे मृताचे नाव आहे. त्यांनी राहत्या घरी १० फेब्रुवारी रोजी आत्महत्या केली होती. घटनेचा पुढील तपास पोलीस करीत आहे.
--------------------------------------