‘ती’च्या गणपतीला थाटात निरोप

‘लोकमत’च्या अमरावती विभागीय कार्यालयात यंदाही ‘ती’चा गणपती ही संकल्पना साकारण्यात आली.

ठळक मुद्देढोल-ताशांचा निनाद : लोकमत सखी मंच सदस्यांनी धरला ताल

लोकमत न्यूज नेटवर्कअमरावती : ‘लोकमत’च्या अमरावती विभागीय कार्यालयात यंदाही ‘ती’चा गणपती ही संकल्पना साकारण्यात आली. अनंत चतुर्दशीला 'लोकमत' कर्मचारी, सखी सदस्यांच्या उपस्थितीत गणरायाला मंगळवारी थाटात निरोप देण्यात आला.मंगळवारी निघालेल्या बाप्पाच्या मिरवणुकीत पांढरा गणवेश व भगवे फेटे परिधान करून सखीमंच सदस्यांनी लेझीमवर ताल धरला. यावेळी आझाद हिंद मंडळाच्या ढोल-ताशा पथकाने कार्यक्रमात रंगत आणली. ढोल-ताशा पथकाचे लयबद्ध, शिस्तबद्ध आणि जोशपूर्ण सादरीकरण बघण्यासाठी या मार्गावरून ये-जा करणाºया बघ्यांनी गर्दी केली होती. विसर्जन कार्यक्रमात वैशाली धांडे व माधुरी गोहाड यांची विशेष उपस्थिती होती. आरतीनंतर श्रींच्या विसर्जन मिरवणुकीला सुरूवात झाली. ढोल-ताशा पथकात पंकज सराफ, विजय कलोती, कीर्ती कलोती, सृष्टी बोराटणे, अपूर्वा महल्ले, वेदांत डांगे, मीनल मोरे, राहुल कथलकर आदींचा समावेश होता.