जैन युवा महासभेचा उपक्रम : ३० रक्तदात्यांचे रक्तदान
नांदगाव खंडेश्वर : भगवान महावीर यांच्या २६२० व्या जयंतीनिमित्त जैन युवकांनी रक्तदान केले. जैन युवा महासभेच्यावतीने बुधवारा चौकातील जैन स्थानक येथे शिबिराचे आयोजन करण्यात आले होते. यात ३० रक्तदात्यांनी रक्तदान केले.
ठाणेदार हेमंत ठाकरे यांच्या हस्ते भगवान महावीरांच्या प्रतिमेला हारार्पण करुन शिबिराला सुरुवात करण्यात आली होती. अमरावती येथील डॉ. पंजाबराव देशमुख रक्तपेढी यांनी रक्त संकलन केले. शिबिराकरिता जैन युवा महासभेचे जिल्हाध्यक्ष सागर सव्वालाखे, तालुकाध्यक्ष अमित सव्वालाखे, रमेश सव्वालाखे, विजय जैन, धर्मेश जैन, अनुराग खापरी, प्रांजल सव्वालाखे, मनोज जांगडा, नमित जैन, शैलेश खापरी, सतीश सव्वालाखे, प्रवीण सव्वालाखे, प्रसन्न सव्वालाखे, अक्षय बाळापुरे, ऋषीकेश चांदूरकर, मनोज जैन, केतन पडियार, राहुल जैन, यश पोफळी यांनी परिश्रम घेतले.