सत्ताधार्यांना सळो की पळो करुन सोडा

दर्यापूर :- सत्ताधारी शेतकऱ्यांच्या प्रश्नासह सर्वसामान्यांच्या प्रश्नांना न्याय देण्यासाठी असमर्थ ठरले असून भाजपा कार्यकर्त्यांनी या विरोधात निवेदन, उपोषण, आणि आंदोलनाचा मार्ग अवलंबून यांना सळो की पळो करुन सोडावे असे आवाहन भाजपा प्रदेशाध्यक्ष चंद्रकांत पाटील यांनी दर्यापूर येथे केले.

भाजपचे सरकार असताना विदर्भातील रस्ते पूर्ण झाले, कालव्याचे कामे पूर्ण झाले अनेक धरणे अपूर्ण पूर्ण झालीत विदर्भातील जलयुक्त शिवाराच्या माध्यमातून पाणी मिळाले पिकामध्ये उत्पादकता वाढली या बरोबरच ज्या क्षेत्रात अनुशेष शिल्लक होता त्या क्षेत्रातील कामे सुद्धा झपाट्याने प्रगती पथावर नेलीत मात्र महाविकास आघाडी सरकारचा गेल्या बावीस महिन्यातील कार्यकाळात सगळेच कामे कोरोनाच्या नावाखाली ठप्प झाली असून शेतकऱ्यांच्या पिक विम्यासह अनेक प्रश्नावर दुर्लक्ष करण्याचे काम हे सरकार करीत आहे. या सरकारच्या पोपटाचा प्राण सत्तेत अडकला असून आगामी निवडणुकात त्यांना धडा शिकून त्यांना चोक उत्तर देण्याचे आवाहन भाजपा प्रदेशाध्यक्ष चंद्रकांत पाटील यांनी दर्यापूर येथे कार्यकर्त्यांना संबोधित करताना केले. चंद्रकांत पाटील अमरावती वरून अकोला कडे जात असताना दर्यापूर येथे आ. प्रकाश भारसाकळे यांच्या निवासस्थानीकाही काल थांबले होते त्यावेळी उपस्थित कार्यकर्त्यांना त्यांनी संबोधित केले. यावेळी त्यांचे सोबत माजी पालकमंत्री प्रवीण पोटे, माजी कृषिमंत्री डॉ. अनिल बोन्डे,आ. प्रकाश भारसाकळे,आ. प्रताप अडसड, जिल्हाध्यक्षा निवेदिता चौधरी, माजी आ. रमेश बुंदिले, उपेंद्र कोठेकर, नगराध्यक्ष नलिनी भारसाकळे, जिल्हा उपाध्यक्ष बाळासाहेब वानखडे यांचे सह भाजपा पदाधिकारी व कार्यकर्ते उपस्थित होते.

बॉक्स :- भाजप विना त्यांनी खासदार होऊन दाखवावे..

शिवसेना नेते वारंवार पाठीत खंजीर खुपसल्याचा उल्लेख करतात मात्र खऱ्या अर्थाने पाठीत खंजीर खुपसणारे कोण हे जनतेला माहीत असून अरविंद सावंत माझ्या विरोधात बोलतात मात्र त्यांनी भाजप शिवाय लोकसभा मतदारसंघात निवडून येऊन दाखवावे असे आव्हान चंद्रकांत पाटील यांनी यावेळी दर्यापूरात बोलताना केले.

030921\img-20210903-wa0009.jpg

सत्ताधार्यांना सळो की पळो करुन सोडा ( चंद्रकांत पाटील यांचे भाजप कार्यकर्त्यांना संदेश )