अमरावती; धारणी आणि भातकुली येथील महिला व बाल विकास प्रकल्प तथा घातखेडा येथील कृषी विज्ञान केंद्रातर्फे अंगणवाडी सेविकांना आहाराची धडे देण्यात आले. कोरोना काळात स्वस्त सुरक्षिततेसाठी कोणते उपाय योजावेत यासाठी ऑनलाइन वेबिनारचे आयोजन करण्यात आले होते. त्याद्वारे अंगणवाडी सेविकांना मार्गदर्शन करण्यात आले. गृह विज्ञान विशेषज्ञ डॉ. प्रणिता कडू यांनी रोगप्रतिकारशक्ती वाढविण्यासाठी शरीरात आवश्यक असणारे प्रमुख जीवनसत्व त्यांचे फायदे याबाबत मार्गदर्शन केले. शरीराची प्रतिकारशक्ती आणि संरक्षण देण्यासाठी जीवनसत्त्वाची आवश्यकता असते. मात्र बहुतांश जीवनसत्त्वे शरीरात तयार होत नसल्याने ती दैनंदिन आहारातून घेणे गरजेचे आहे. या जीवनसत्त्वाची सहज उपलब्धता आणि स्वस्त स्त्रोत सांगून त्यांनी अंगणवाडीच्या परसबागेत घेता येणाऱ्या पालेभाज्या फळझाडांची माहिती दिली. लोह कॅल्शियम, जीवनसत्वे अ आणि क आवश्यक असणारी प्रथिने तसेच या प्रथिनांना अभावामुळे शरीरात होणारे परिणाम जीवनसत्वचे फायदे आणि विविध घरगुती स्तृत याबाबतही माहिती दिली. प्रत्येक जीवनसत्त्वाचे योग्य पोषण व्हावे यासाठी घ्यावयाच्या काळजीबाबतदेखील मार्गदर्शन करण्यात आले. या ऑनलाइन प्रशिक्षणातून कोरोनावर नियंत्रण आणण्यासाठी मार्गदर्शन करण्यात आले. यात प्रामुख्याने प्रतिकारशक्ती वाढविण्यासाठी उपयुक्त असणारे ई जीवनसत्व आणि त्यांच्या स्त्रोताचे महत्त्व सांगण्यात आले.
बॉक्स
चर्चेतून समस्याचे निरासन
धारणी आणि भातकुली तालुक्यातील अंगणवाडी पर्यवेक्षिका सेविका आणि आशा स्वयंसेविका या आहारविषयक शिबिरामध्ये सहभाग घेतला होता. यात धारणी व भातकुलीचे बाल विकास प्रकल्प अधिकाऱ्यांनी सुध्दा प्रशिक्षणात सहभाग नोंदविला. डॉ. कडू यांनी सेविकांचे आरोग्यविषयक समस्याचे चर्चेतून निरासन केले.