--------------
विद्यापीठ एम.बी.ए. विभागातील सचिन गायकवाड यांना श्रद्धांजली
अमरावती : संत गाडगे बाबा अमरावती विद्यापीठाच्या व्यवसाय प्रशासन व प्रबंधन पदव्युत्तर शैक्षणिक विभागात सहायक प्राध्यापक सचिन नानासाहेब गायकवाड यांच्या निधनाप्रसंगी कुलगुरू मुरलीधर चांदेकर यांच्या अध्यक्षतेत आभासी पद्धतीने शोकसभा संपन्न झाली. कुलगुरूंनी शोकप्रस्तावाचे वाचन केले. याप्रसंगी प्र-कुलगुरू राजेश जयपूरकर, कुलसचिव तुषार देशमुख आदी अधिकारी व कर्मचारी ऑनलाईन उपस्थित होते.
------------
संशोधकांकडून आर्थिक सहायासाठी प्रस्ताव मागविले
अमरावती : दानदाते स्व. वासुदेवराव राजाराम देशमुख यांच्याकडून प्राप्त दाननिधीतून श्री संत गुलाबराव महाराजांचे जीवन, साहित्य, विचार, तत्त्वज्ञान, शिक्षण व कवितेवर अमरावती विद्यापीठात आचार्य पदवीकरिता संशोधन करणाऱ्या एका संशोधकास प्रतिवर्ष सहा हजार याप्रमाणे दोन वर्षाचे एकूण १२ हजार संशोधन आर्थिक सहाय्य प्रदान करावयाचे आहे. त्याकरिता ३० एप्रिलपर्यंत प्रस्ताव मागविले आहे.
---------------