लसीसाठी मोठी सुई; वेस्टेजमुळे पळता भुई!

एडी सुईच्या तुटवड्यामुळे २ सीसी सिरिंजचा वापर

अमरावती : कोरोना लसीकरणासाठी केंद्र शासनाकडून एडी सिरिंजचा पुरवठा कमी झाल्याने राज्यात तुटवडा निर्माण झाला आहे. बालकांच्या लसीकरणासाठी २ सीसी सिरिंज वापरण्यात येत असल्याने लसीचे वेस्टेज वाढत असल्याचे दिसून येत आहे. एडी सुईचा तुटवडा जाणवत असल्याने आरोग्य विभागासमोर नवीन अडचणी निर्माण होत आहेत.

जिल्ह्यात मागील काही दिवसांपासून कोरोना लसीकरणाला गती देण्यात आली आहे. राज्यस्तरावरून लसींचा मुबलक पुरवठा होत असल्याने लसीकरण झालेल्यांची संख्या वाढली आहे. परंतु, हे लसीकरण करण्यासाठी एडी सुईचा वापर केला जात असे .ही सुई केंद्र शासनाने दिली आहे. त्याचा हमखास तुटवडा जाणवत आहे. एडी सुईचा तुटवडा असल्याने स्थानिक पातळीवर २ सीसी सुईची खरेदीची वेळही आरोग्य विभागावर वारंवार येत आहे.

बॉक्स

काय आहे एडी, २ सीसी सिरिंज?

एडी सिरिंज ऑटो डिसेबल आहे. ०.५ मि.मि.ची ही सुई एकदा वापरली की पुन्हा वापरता येत नाही. ही सुई आपोआपच लॉक होते. या सुईतून लस वेस्टेज होत नाही, तर २ सीसी ही सुई नियमित इंजेक्शनची असते. त्यामुळे डोस वाया जातो. ती डिस्पोजेबल आहे.

बॉक्स

दररोज १० ते १५ हजार सुयांची गरज

जिल्ह्यात दररोज सरासरी किमान ५ ते १० हजारांचे दरम्यान लसीकरण होते. त्यामुळे रोज किमान १० ते १५ हजार सुयांची आवश्यकता भासते. अशा परिस्थितीत शासनाकडून त्या लवकरात लवकर आरोग्य विभागाकडे आणि तेथून जिल्ह्यातील संबंधित यंत्रणेकडे त्या सु्यांची पुरवठा होणे आवश्यक आहे.

बॉक्स

वेस्टेज वाढले !

जिल्ह्यात रोज होणाऱ्या लसीकरणात या प्रकारच्या सिरिंजमुळे पाच टक्के लस ही वाया जात आहे. एडी सुईचा तुटवडा असल्याने स्थानिक पातळीवर वेळप्रसंगी एडी सुई खरेदी लागण्याची वेळही आरोग्य विभागावर येते. त्यामुळे या एडी सुईचा पुरेसा पुरवठा होणे आवश्यक आहे.

बॉक्स

स्थानिक बाजारातून खरेदीच्या सूचना

केंद्र शासनाकडून पुरवठा कमी होत असल्याने एडी सुयांचा तुटवडा आहे. हा तुटवडा भरून काढण्यासाठी स्थानिक पातळीवर खरेदीचे आदेश आम्हाला दिले आहेत. त्यानुसार या सुया खरेदी करण्याची प्रक्रिया सध्या सुरू आहे.

बॉक्स

बाजारपेठेतही तुडवडा

कोरोना लसीकरणासाठी केंद्र शासनाकडून एडी सिरिंजचा पुरवठा कमी झाल्याने राज्यात तुटवडा निर्माण झाला आहे. अशातच आरोग्य यंत्रणेला आवश्यकता भासल्यास एडी सुई खरेदी करण्याचे सांगण्यात आले असले तरी माहितीनुसार बाजारपेठेतही या सुयांचा तुटवडा असल्याची माहिती आहे.

१०