‘आश्रमात किडनी रॅकेटची शक्यता’

पिंपळखुटा येथील संत शंकर महाराजांच्या आश्रमशाळेत घडलेला प्रकार निंदनीय तर आहेच.

पांडुरंग ढोलेंचे जाहीर सभेत रहस्योद्गार : शंकर महाराजांच्या अटकेसाठी चांदूररेल्वेत विशाल मोर्चाचांदूररेल्वे : पिंपळखुटा येथील संत शंकर महाराजांच्या आश्रमशाळेत घडलेला प्रकार निंदनीय तर आहेच. पण, या प्रकरणाची पाळेमुळे अतिशय खोलवर रुजलेली आहेत. आश्रमाची सीआयडी चौकशी केल्यास किडनी रॅकेट उघडकीस येऊ शकते, असे खळबळजनक रहस्योद्घाटन माजी आमदार पांडुरंग ढोले यांनी केले. प्रथमेश सगणे या चिमुरड्यावर नरबळीच्या उद्देशाने केलेल्या प्राणघातक हल्ल्याच्या निषेधार्थ तसेच आश्रम व्यवस्थापनावर कारवाईच्या प्रमुख मागणीसाठी बुधवारी आयोजित मोर्चाला संबोधित करताना ते बोलत होते. या घटनेतील मुख्य आरोपीला अटक करण्याच्या मागणीसाठी बुधवारी चांदूूररेल्वे तालुक्यात कडकडीत बंद पाळण्यात आला. त्यानंतर विशाल मोर्चा काढण्यात आला. चांदूररेल्वे : पिंपळखुटा येथील संत शंकर महाराजांच्या आश्रमशाळेत घडलेला प्रकार निंदनीय तर आहेच. पण, या प्रकरणाची पाळेमुळे अतिशय खोलवर रुजलेली आहेत. आश्रमाची सीआयडी चौकशी केल्यास किडनी रॅकेट उघडकीस येऊ शकते, असे खळबळजनक रहस्योद्घाटन माजी आमदार पांडुरंग ढोले यांनी केले. प्रथमेश सगणे या चिमुरड्यावर नरबळीच्या उद्देशाने केलेल्या प्राणघातक हल्ल्याच्या निषेधार्थ तसेच आश्रम व्यवस्थापनावर कारवाईच्या प्रमुख मागणीसाठी बुधवारी आयोजित मोर्चाला संबोधित करताना ते बोलत होते. या घटनेतील मुख्य आरोपीला अटक करण्याच्या मागणीसाठी बुधवारी चांदूूररेल्वे तालुक्यात कडकडीत बंद पाळण्यात आला. त्यानंतर विशाल मोर्चा काढण्यात आला. चांदूररेल्वे : नागपंचमीला अत्यंत क्रूर पद्धतीने संत शंकर महाराजांच्या आश्रमशाळेतील प्रथमेश सगणेचा गळा चिरण्यात आला. त्यानंतर हा प्रकार नरबळीचा असल्याचे स्पष्ट झाले. यथावकाश आरोपींनी देखील तशी कबुली दिली. परंतु इतके सगळे होऊनही याप्रकरणाशी संबंधित मुख्य आरोपी मात्र मोकाटच आहेत. म्हणूनच आश्रमशाळेचे संचालक शंकर महाराजांसह आणि व्यवस्थापनाची चौकशी करून मुख्य आरोपीला अटक करावी, या मागणीसाठी बुधवारी तालुक्यातील विविध सामाजिक संघटनांसह व्यापारी प्रतिष्ठानांनी बंदचे आवाहन केले होते. या बंदला उत्स्फूर्त प्रतिसाद मिळाला. शहरातील बाजारपेठ कडकडीत बंद होती. मोर्चात सहभागी होऊन विविध पक्ष, सामाजिक संघटनांनी या क्रूर घटनेबद्दल कठोर शब्दांत निषेध नोंदविला. सोबतच मातंग समाजाचे नेते बाळासाहेब सोरगिवकर यांनी शंकर महाराजांना तातडीने अटक करण्याची मागणी लाऊन धरली. आम आदमी पक्षाचे नेते नितीन गवळी, सोबतच दादासाहेब क्षीरसागर, शिवसेनेचे राजू निंबर्ते, युवा सेनेचे प्रकाश मारोडकर, लोकशाहीर धम्मा खडसे, भाजपचे उमेश भुजाडणे, मनसेचे रणजित पोटफोडे आदींनी कठोर शब्दांत निषेध करून आरोपींच्या अटकेची मागणी केली.यावेळी केशव वंजारी, संतोष वानखडे, गजानन गवई, लक्ष्मण लोखंडे, अशोक देशमुख, सुधाकर वानखडे, विनोद वानखडे, अजमतखाँ, श्रीकृष्ण कलाने, शोभा वानखडे, रेखा जोंधळे, अनुसया खंडारे, दुर्गा लोखंडे, मिना वानखडे, सुशिला लोखंडे, अनुसया सगळे, अलका खंडाळे आदी उपस्थित होते. (तालुका प्रतिनिधी)नरबळीच्या उद्देशाने हल्ला झालेल्या अजयचा आईसह मोर्चात सहभागपिंपळखुटा येथील नरबळी प्रकरणाच्या निषेधार्थ चांदुर रेल्वे शहर बंद ठेवण्यात आले. यावेळी शहरातुन निघालेल्या सर्वपक्षीय बंदच्या मोर्च्यामध्ये पिंपळखुटा नरबळी प्रकरणात बळी ठरलेल्या तालुक्यातील धानोरा म्हाली येथील अजय वनवे व त्याची आई किरण वनवे ही सहभागी झाले होते. यावेळी किरण वनवे म्हणाल्या, नरबळीच्या हेतुने अजयवर हल्ला झाल्यानंतर आश्रमातर्फे आम्हाला कुठलीही मदत करण्यात आली नाही. आश्रमाकडून भेटीला सुध्दा कोणीही आले नाही. या हल्ल्यामागील मुख्य सुत्रधाराला लवकरात लवकर अटक करून आम्हाला न्याय देण्यात यावा. किरण वनवे यांनी आश्रमातील वनसतिगृहात त्यांचा मुलगा असताना त्याच्यावर झालेल्या जिवघेण्या हल्ल्याची तक्रार मंगरुळ पोलिसात दाखल केली आहे. त्याआधारे सुरेंद्र मराठे आणि त्याच्या दोन सहकाऱ्यांविरुद्ध नरबळीचा गुन्हा मंगरुळ दस्तगीर पोलीस ठाण्यात नोदविण्यात आला आहे. हे तिघेही आश्रमाचे कर्मचारी होते. ‘लोकमत’ने या प्रकरणात शोधमोहिम आरंभल्यानंतर हे गुन्हे दाखल झालेत, हे उल्लेखनीय.