अमरावती : महाविद्यालयात शैक्षणिक कामानिमित्त गेलेल्या एका विद्यार्थिनीचे अपहरण करण्यात आले. ही घटना गुरुवारी फ्रेजरपुरा हद्दीत उघडकीस आली. ती वाशिम जिल्ह्यातील रहिवासी असून, शहरातील एका महाविद्यालयात शिक्षण घेत आहे. २ जून रोजी ती महाविद्यालयात आल्यानंतर पुन्हा घरी परतली नाही. त्यामुळे कुटुंबीयांनी तिच्या अपहरणाची तक्रार फ्रेजरपुरा पोलिसांत नोंदविली. त्यानुसार पोलिसांनी अज्ञात आरोपीविरुद्ध गुन्हा नोंदविला.
--------------------------------------------------------------
राहुलनगरात जुगार पकडला
अमरावती: फ्रेजरपुरा पोलिसांनी राहुलनगरात कारवाई करून जुगाराच्या साहित्यासह ६८० रुपयांचा मुद्देमाल जप्त केला. ही कारवाई बुधवारी करण्यात आली. याप्रकरणी फ्रेजरपुरा पोलिसांनी एका महिलेविरुद्ध गुन्हा नोंदविला.
-------------------------------------------------------
बडनेरा जुनी वस्तीत दारू जप्त
अमरावती : बडनेरा जुनी वस्तीतील जयहिंद चौकात पोलिसांनी कारवाई करून १४४० रुपयांची अवैध दारू जप्त केली. ही कारवाई ३ जून रोजी करण्यात आली. याप्रकरणी पोलिसांनी आरोपी राजा मच्छा पंछारे (४५, रा. इंदिरानगर, बडनेरा) याच्याविरुद्ध गुन्हा नोंदविला. पुढील तपास पोलीस करीत आहेत.