000000000000000000000
पोहरा-रोडवर मालवाहू वाहन उलटले
अमरावती : भरधाव मालवाहू वाहन उलटून चालक व त्याचे सोबती जखमी झाल्याची घटना रविवारी पोहरा रोडवरील वळणावर घडली. अब्दुल इमरान अब्दुल रफीक (३२, रा. धामोरी, भातकुली) असे वाहनचालकाचे नाव आहे. अब्दुल इमरान हा एमएच ३० बी २४५० क्रमांकाचे मालवाहू वाहन घेऊन पोहरा रोडने जात होता. पोहरा रोडवर वाहन अनियंत्रित होऊन उलटले. या अपघातात अब्दुलसह त्याचे सहकारी जखमी झाले. या प्रकरणात फ्रेजरपुरा पोलिसांनी अब्दुल इमरानविरुद्ध गुन्हा नोंदविला.
0000000000000000000000000000000
वलगाव हद्दीत महिलेचा विनयभंग
अमरावती : वलगाव ठाण्याच्या हद्दीतील एका ठिकाणी महिलेस जातिवाचक शिविगाळ करून तिचा विनयभंग करण्यात आल्याची घटना रविवारी घडली. १८ वर्षीय पीडित तरुणीच्या तक्रारीवरून वलगाव पोलिसांनी रोशन सीताराम आडे (२० रा. मसानगंज, अमरावती) याच्याविरुद्ध विनयभंग आणि ॲट्रॉसिटी ॲक्टनुसार गुन्हा नोंदविला. या घटनेचा पुढील तपास एसीपी शिवाजी धुमाळ करीत आहेत.