अल्पवयीन मुलीला फूस लावून पळविले
परतवाडा : कांडली परिसरातील अल्पवयीन मुलगी शिवण क्लासला जात असल्याचे सांगून घराबाहेर पडली. २० सप्टेंबरपासून ती बेपत्ता आहे. तिला गौरव गोपाल गायक (रा. हर्दोई, ता. हतरोली जिल्हा अजीगड) याने फूस लावून पळविल्याची फिर्याद परतवाडा पोलिसात नोंदविण्यात आली. पोलिसांनी गौरवविरुद्ध गुन्हा नोंदविला.
---------
अज्ञात मुलाने पळविली मोबाईलची बॅग
परतवाडा : गुजरी बाजार येथील एका मोबाईल शॉपीचे संचालक लखन प्रेमचंद भक्तांनी (२८, रा. गुरूनानक नगर) हा युवक त्याची शॉपी उघडत असताना बाजूला ठेवलेली बॅग. त्यात मोबाईल संच होते. सीसीटीव्ही कॅमेरात १५ ते १६ वर्षाचा मुलगा ही बॅग घेऊन जात असल्याचे दिसून आले. १७ सप्टेंबर रोजी ही घटना घडली. परतवाडा पोलिसांनी लखन भक्तांनी याच्या तक्रारीवरून २१ सप्टेंबर रोजी गुन्हा नोंदविला.
---------
पोलिसात तक्रार दिल्यावरून मारहाण
धारणी : तालुक्यातील नागझिरा येथे राजेश सुनील तायडे (२५, रा. अकोट) याची पोलिसात तक्रार दिली म्हणून त्याने लाकडी काठीने सीताराम गंगाराम उदगीरकर (६७, रा. नागझिरा) यांना मारहाण केली. त्यांच्या खिशातून ४३० रुपये व मोबाईल असा ४८९० रुपयांचा मुद्देमाल लंपास केला. १५ सप्टेंबर रोजी ही घटना घडली. धारणी पोलिसांनी गुन्हा नोंदविला.