फोटो पी २४ नागपुरीगेट
अमरावती : येथील कडबी बाजार परिसरातून एमएच २७ बीएक्स १३४९ या वाहनातून प्रतिबंधित गुटखा व प्रतिबंधित सुपारीचा साठा जप्त करण्यात आला. २३ ऑगस्ट रोजी दुपारी ३ च्या सुमारास नागपुरी गेटचे ठाणेदार पुंडलिक मेश्राम यांनी मनपा बगीचाजवळ ही कारवाई केली.
ठाणेदार मेश्राम यांना त्याबाबत माहती मिळाली होती. त्यांनी मसानगंज भागातील उद्यानाजवळ सापळा रचला. सावज टप्पात येताच समोरून आलेल्या वाहनाची झाडाझडती घेतली. त्यात गुटख्याचा मोठा साठा आढळून आला. त्यानुसार, त्यावेळी वाहनासह दोन आरोपी ताब्यात घेण्यात आले. अन्न व सुरक्षा अधिकारी भाऊराव चव्हाण यांना घटनास्थळी पाचारण करण्यात आले. याप्रकरणी अक्रम खान अयूब खान (३१, लालखडी चौक), सय्यद उस्मान सय्यद नजर (२०, रा. सबानगर, परफेक्ट धर्मकाटाजवळ) या दोघांना २३ ऑगस्ट रोजी रात्री १०.३९ च्या सुमारास अटक करण्यात आली. त्यांच्याविरुद्ध चव्हाण यांच्या तक्रारीवरून गुन्हे दाखल करण्यात आले. घटनास्थळाहून ३ लाख ८८ हजार २६० रुपयांच्या प्रतिबंधित गुटख्यासह एमएच २७ बीएक्स १३४९ हे वाहन असा एकूण ५ लाख ३८ हजार २६० रुपयांचा मुद्देमाल जप्त करण्यात आला.
पोलीस आयुक्त आरती सिंह, पोलीस उपायुक्त विक्रम साळी, एसीपी डुंबरे यांच्या मार्गदर्शनाखाली हवालदार महेंद्र येवतीकर, प्रमोद गुडधे, विजय राठोड, विक्रम देशमुख, आबिद शेख, संजय भारसाकळे यांनी ही कारवाई केली.