अमरावती : फ्रेजरपुरा पोलीस ठाण्याच्या हद्दीतील दहावीच्या विद्यार्थिनीला हर्ष मनोहरे (रा. मेघनाथपूर) याने फूस लावून पळवून नेल्याची तक्रार ठाण्यात दाखल करण्यात आली. मैत्रिणीकडे जात असल्याचे सांगून ती ४ मे रोजी घराबाहेर पडली होती.
-----------------
महिलेला चाकूच्या बळावर धमकावले
अमरावती : कामानिमित्त घराबाहेर पडलेल्या महिलेला अमन देवळेकर (रा. यशोदानगर) याने नजीकच्या कमिटी दवाखान्याजवळ गाठले आणि सोबत न आल्यास मारून टाकेल, असे चाकूच्या बळावर धमकावले. महिलेने आरडाओरडा करताच त्याने पळ काढला. फ्रेजरपुरा पोलिसांनी भादंविचे कलम ३५४, ५०६ ब अन्वये मंगळवारी गुन्हा नोंदविला.
----------------
संचारबंदीचे उल्लंघन, इसमाविरुद्ध गुन्हा
अमरावती : गाडगेनगर पोलीस ठाण्याच्या हद्दीतील शेगाव नाका येथे तोंडाला मास्क न लावता घराबाहेर पडलेला हरगोविंद तुलसीराम बागल (४०, रा. रामपुरी कॅम्प) याच्याविरुद्ध ३ मे रोजी गुन्हा नोंदविण्यात आला