फोटो पी २३ चोट्टे
परतवाडा : दुचाकी चोरणाऱ्या टोळीला गजाआड करीत ७ लाख ७५ हजारांच्या १३ दुचाकी परतवाडा पोलिसांसह स्थानिक गुन्हे शाखेने गुरुवारी जप्त केल्यात. यात दोघांना अटक करण्यात आली आहे.
जिल्ह्यातील ग्रामीण भागात मोटरसायकल चोरीचे वाढते प्रमाण बघता स्थानिक गुन्हे शाखा व परतवाडा पोलिसांनी विशेष मोहीम राबविली. यात त्यांनी अभिलेखावर नोंद असलेल्या गुन्हेगारांच्या हालचालीवर आपले लक्ष केंद्रित केले. स्थानिक मुगलाईपुरा येथील जाकीर ऊर्फ जाको अहमद वलद नासिर अहमद व दानिश इक्बाल शरिफूर रहमान (रा.लालखडी अमरावती) यांना ताब्यात घेतले. त्यांच्याकडे दुचाकी चोरीच्या गुन्हा संबंधाने विचारणा केली. यात त्यांनी परतवाडा पोलीस स्टेशन हद्दीत वेगवेगळ्या ठिकाणाहून वेगवेगळ्या तारखेत १२ आणि शिरजगाव पोलीस ठाण्याच्या हद्दीत एक दुचाकी चोरल्याची कबुली दिली.
ही कारवाई जिल्हा पोलीस अधीक्षक हरी बालाजी एन., अप्पर पोलीस अधीक्षक श्याम घुगे, उपविभागीय पोलीस अधिकारी पी. जे. अब्दागिरे यांच्या मार्गदर्शनात पोलीस निरीक्षक सदानंद मानकर, एलसीबीचे पोलीस निरीक्षक तपन कोल्हे, सहायक पोलीस निरीक्षक गोपाल उपाध्याय, मनोज कदम, एएसआय मोहन मोहोड, पोलीस जमादार प्रमोद चौधरी, गणेश बेलोकार, दीपक राऊत, त्र्यंबक मनोहर, सुनील महात्मे, प्रमोद खर्चे, योगेश सांभारे, सय्यद अजमद, प्रवीण अंबाडकर, पंकज वानखडे, जयसिंग चव्हाण, कमलेश मुराई, अब्दुल नाजिम, विठ्ठल मुंडे, सागर धापड, शुभम मार्कंड, विवेक ठाकरे, मंगेश फुकट, रितेश वानखडे यांनी केली.