आपत्कालीन स्थितीसाठी अग्निशमन सज्ज

महापालिकेद्वारे पावसाळ्यातील आपत्कालीन व्यवस्थेकरिता उपकरणे हाताळणीच्या कार्यशाळेचे आयोजन वॉलकट कम्पाऊट येथील अग्निशमन विभागात करण्यात आले. यावेळी उपकरणाबद्दल माहिती

अमरावती : महापालिकेद्वारे पावसाळ्यातील आपत्कालीन व्यवस्थेकरिता उपकरणे हाताळणीच्या कार्यशाळेचे आयोजन वॉलकट कम्पाऊट येथील अग्निशमन विभागात करण्यात आले. यावेळी उपकरणाबद्दल माहिती व त्यांच्या उपयोगासंबंधित प्रशिक्षण कर्मचाऱ्यांंना देण्यात आले. या कार्यशाळेचे उद्घाटन महापालिका उपायुक्त रामदास सिध्दभट्टी यांच्या हस्ते करण्यात आले. महापालिकेने आपत्कालीन स्थिती सांभाळण्याकरिता हायड्रोलिक जॅक, चेन सॉ, क्राँक्रीट कटर, रेस्क्यु सॉ, रेस्क्यु टेंडर, व्हॅन, फायर सूट, केमिकल सूट, फायर सेफ्टी साहित्य याकरिता त्वरित विकत घेतले होते. या कार्यशाळेत अग्निशमन दलाच्या कर्मचाऱ्यांना आपत्कालीन स्थितीत येणाऱ्या अडचणीविषयक माहिती देण्यात आली. तसेच उपकरणांचा उपयोग कसा करावा याबद्दल सूचना देण्यात आल्या. आपत्कालीन स्थितीत काम करताना कोणत्या बाबीला प्राध्यान द्यावे ते कसे करावे याबद्दल वरिष्ठांशी संपर्क करुन समयसूचकता ठेवणे अशा सूचना कर्मचाऱ्यांना देण्यात आल्या. यावेळी एम.एच. रहेमान, अधीक्षक होमगार्ड व राजेन्द्र बनसोड यांनी कर्मचाऱ्यांना प्रशिक्षण दिले. या कार्यशाळेला उपआयुक्त रमेश मवासी, सहायक आयुक्त राहुल ओगले, नरेन्द्र वानखडे, योगेश पिठे, अनंत पोतदार, आरोग्य अधिकारी देवेन्द्र गुल्हाने, अजय जाधव, उद्यान अधीक्षक प्रमोद येवतीकर, अग्निशमन विभागाचे अधीक्षक भरतसिंह चव्हाण, दिलीप पडघन, पी. एम. देशमुख, भाष्कर तिरपुडे, सुहास चव्हाण, जनसंपर्क अधिकारी भूषण पुसतकर, स्वास्थ अधीक्षक एम. ए. खान, सचिन बोन्द्रे, संदिप देशमुख आदी उपस्थीत होते.