अमरावती : पैसे दीडपट देण्याचे आमिष देऊन फिनले मिल ाधील डेप्यूटी मॅनेजरची एका कंपनीने ६२ लाख रुपयांपेक्षा जास्त रकमेने फसवणूक करण्यात आल्याचा गुन्हा अचलपूर पोलीस स्टेशनला न्यायालयाच्या आदेशाने काल दाखल करण्यात आला. अचलपूर येथील फिनले मिलमध्ये विजयकुमार सोनी डेप्युटी मॅनेजर पदावर कार्यरत होते. त्यावेळी रविराज इन्व्हेस्टमेंट स्ट्रेरेसीस, नागपूर या कंपनीचे दोन व्यक्ती त्यांचेकडे येऊन त्यांना तीन वर्षात दीडपट पैसे जास्त देण्याचे आमिष दिले. यावर विश्वास देऊन त्यांनी ६२ लाख ६ हजार ७५० रुपयाची गुंतवणूक केली. पण ती कंपनी मुदत झाल्यानंतरही परत करण्यास टाळाटाळ करत असल्याने त्यांनी न्यायालयात धाव घेऊन दावा टाकला. न्यायालयाने हा गुन्हा पोलीस स्टेशनला दाखल करण्याचे आदेश दिले. त्यानुसार सदर कंपनीचे संचालक राजेश सुरेश जोशी व राधा राजेश जोशी यांचे विरुध्द भादंवि ४२०, ४१७, ४०५, ४०६ नुसार गुन्हा दाखल करण्यात आला आहे. याबाबत विजयकुमार सोनी यांचेशी संपर्क केला असता त्यांची फिनले मिलमधून भुसावळ येथे बदली झाल्याची माहिती मिलकडून मिळाली. (प्रतिनिधी)
फिनले मिलच्या उपव्यवस्थापकाची ६२ लाखांनी फसवणूक
By admin | Updated: March 8, 2015 00:14 IST