वाहनाच्या धडकेत मादी बिबट्या ठार

गेल्या १५ दिवसांपासून येथील एमआयडीसी रिंगरोड परिसरात दिसणाऱ्या मादी बिबट्याचा अज्ञात वाहनाच्या धडकेत मृत्यू झाला.

लोकमत न्यूज नेटवर्कअमरावती : गेल्या १५ दिवसांपासून येथील एमआयडीसी रिंगरोड परिसरात दिसणाऱ्या मादी बिबट्याचा अज्ञात वाहनाच्या धडकेत मृत्यू झाला. मंगळवारी पहाटे ५ च्या सुमारास वडद बीटअंतर्गत एमआयडीसी पेट्रोलपंप परिसरात ही घटना घडली. तत्पूर्वी या मादी बिबट्याने रानडुक्कर व कुत्र्याची शिकार केल्याचेही निदर्शनास आले. मृत मादी बिबट्याचे वय अंदाजे ७ ते ८ वर्षे आहे. घटनास्थळी रानडुक्कर चेंदामेंदा झालेल्या अवस्थेत आढळला. मादी बिबट्याने रानडुकराची शिकार केल्यानंतर रिंगरोड ओलांडताना हा अपघात घडल्याचा अंदाज आहे.